Саха норуодунай бэйээтэ Петр Николаевич Тобуруокап «Кустук» алааска олорон, Ороһу эбэҕэ балыктаан, Дьаарханынан, Дылбыгырынан, Кулуһуннааҕынан, Дьарҕаалааҕынан куобахха туһахтаан, куска тиргэ иитэн умнуллубат оҕо сааһа ааспытын хоһоонугар хоһуйбута, ахтыыларыгар ахтыбыта, кинигэлэригэр бэчээккэ тиһиллибитэ.
Бэйээт оҕолорго анаан суруйбут «Аай-ай, Оой-ой, Ээй-эй» көрүдьүс остуоруйатын Гена Иванов, Максим Иванов уонна мин буолан үбүлүөйүгэр аналлаах тэрээһиҥҥэ туруорбуппутуттан үөрэбит.
Ис хоһоонугар тохтоотоххо, кутуйахтан куттаналлар, кутуйаҕы хахайга тэҥнииллэр. Аны остуоруйа дьоруойдарыгар тохтоотоххо, Аай-ай аа-дьуо сылдьан сириксэн идэлээх, Уой-уой олус соһумтах, Ээй-эй мэлдьи өчөс.
Остуоруйаны көрбүт дьон ытыстарын таһыныыларыттан сыаналаатахха, куһаҕана суохтук оонньоотубут диэн сыанабыл бэриннибит.
Сергей ИСАКОВ, Ороһу орто оскуолатын 5 кылааһын үөрэнээччитэ.