2020 сылга пандемия кэмигэр оонньуу индустриятыгар элбэх саҥа оонньуулар тохтобула суох тахсаллар. Бүгүн персональнай көмпүүтэргэ уонна приставкаҕа оонньууну таптааччыларга сэтинньи ыйга тахсар оонньуулар туһунан билиһиннэрэбит.
Cyberpunk 2077
Тахсар чыыһылата: Сэтинньи 10 күнэ.
Жанра: экшен-рпг, бастакы сирэйтэн.
Платформа: PC, PS4, Xbox One
«Киберпанк 2077» — CD Project Red хампаанньа польскай устуудьуйата оҥорбут үлэтэ. Аан дойдуга «Ведьмак» оонньуунан киэҥ эйгэҕэ биллибитэ. Киберпанк туһунан бастаан поляктар икки-үс сыл анараа өттүгэр Е3 быыстапкаҕа кэпсээн, оонньооччулар кэрэхсэбиллэрин ылбыта. Бастакынан, киберпанк эйгэтигэр оонньуу аҕыйах, иккиһинэн «Ведьмак 3» оҥорооччулара таһаараллар. «Киберпанк 2077» тахсыытын иккитэ көһөрөн тураллар. Оонньууну иһиттэн уларытан, көннөрөн, дьэ, сэтинньигэ тахсар буолла. Бу — Найт-Сити куоракка Ви диэн ааттаах киһи туһунан ролевой экшен. Аныгы күүстээх графика, оонньууну ааһарга араас ньымалары туһунан барыахха сөп. Холобур, киһигин, сэриилэһэр тэрилин систиэмэтин тупсараҕын, элбэх иккис истиэпэннээх квесттар. Сюжета үчүгэй, фантастика ромаҥҥа майгынныыр. Сүрүн дьоруойа — актёр Киану Ривз.
Assasin’s Creed: Valhalla
Тахсар чыыһылата: Сэтинньи 10 күнэ.
Жанра: экшен-рпг, үһүс сирэйтэн.
Платформа: PC, PS4, Xbox One
«Вальгалла» — диэн Ассасиннар уонна Тамплиердар Орденнарын утарсыыларын историятын салгыыр чааһа буолар. Ортоку үйэтээҕи Аангылыйа сиригэр киирсэллэр. Ангылычааннары утары охсуһарга дьиҥнээх викингынан (Вальгалланан) салайаҕын. Онтон атына бу иннинээҕи «Одиссея» чааһыгар майгынныыр. Оонньуу тупсарыллыбыт графическай движокка оҥоһуллубут, сирэ-халлаана сиһилии ойууламмыт, көрөргө олус үчүгэй. Ubisoft охсуһар систиэмэтин киирсэргэ быдан ыарахан, уустук, оонньооччуга интэриэһинэй гына уларытыахтаахтар. Онон Вальгалла чааһыттан дириҥ, баай сюжеты күүтэбит.
Call Of Duty: Black Ops — Cold War
Тахсар чыыһылата: Сэтинньи 13 күнэ.
Жанра: экшен, бастакы сирэйтэн.
Платформа: PS5, ПК
Арай эн «клюква» диэн өйдөбүлү билбэт буоллаххына, Call of Duty бүтэһик чааһын оонньуурга сүбэлиибин. Бу оонньуу – «киҥнээх» нууччалар Чугастааҕы Илиҥҥэ кыргыһыыларын туһунан. Итинник дьикти түгэни таарыйан, Call of Duty оҥорооччулара Black Ops урукку сиэриэйэҕэ кэлэбит. Онно разведчиктар, шпионнар аан дойду араас чаастарыгар сырыыларын туһунан кэпсэнэр.
Бу чааска биһиги Вьетнамҥа, СССР-га, США-ҕа уонна Кубаҕа сэриилэһэбит. Оонньуу оҥорооччулара биһиги геройбутун «тымныы сэрии» кэминээҕи кыргыһыыны, өстөһүүнү быһаарыыга сүрүн оруолу, сюжеты бэлэмнээбиттэр. Ол гынан баран, мин санаабар «колда» саҥа чааһын трейлерын көрдөххө, бу сылга биир кыраһыабай оонньуунан бэлиэтиэххэ сөп.
Godfall
Тахсар чыыһылата: Сэтинньи 12 күнэ.
Жанра: экшен-рпг, үһүс сирэйтэн.
Платформа: PS5, ПК
Godfall «Sony PlayStation 5» — саҥа приставкаҕа анаммыт оонньуу. Ол да буоллар, персональнай көмпүүтэргэ тахсар. Оонньуу аркаднай Souls-like бырайыак гринд-РПГ элеменнээх буолар. Судургутук эттэххэ, бу бырайыак истиилэ: улахан саабыланан охсооһун, үчүгэй көстүүлээх таҥастары хомуйуу, уопуту ылыы, таһымы үрдэтии, утарсааччыларгын кытта күөн көрсөргө. Оонньуну оҥорооччулар олус бэрт буолуо дэһэллэр. Трейлэри көрүҥ. Спейцэффектара үчүгэй, дьэ, ол гынан баран оонньуута туох эрэ дьикти, чуҥкук курдук көстөр. Ол гынан баран, маннык эрэһиими сөбүлүүр киһиэхэ барсыан сөп.
Marvel’s Spider-Man: Miles Morales
Тахсар чыыһылата: Сэтинньи 10 күнэ.
Жанра: экшен, үһүс сирэйтэн.
Платформа: PS4, PS5
Саҥа «Человек-Паук» оонньуута аныгыскы көлүөнэҕэ туттуллар эйгэнэн эрэ уратылаах (PlayStation 5). Саҥа «Человек-Паук» киһи тириитэ атын өҥнөөх буолуоҕа. Бу — Майкл Моралес негр уолчаан туһунан остуоруйа. Оонньуу олус кэрэ буолуо. Паутинаҕа PlayStation 4 приставкаҕа биэтэҥнэтиэххэ сөп, ол эрээри кадрдарын чаастара кыра уонна үгүс визуальнай фишкалара судургу буолуон сөп.
Ааптар: Павел Ильин.