Үөһээ Бүлүү улууһугар Ороһуга этнопедагог Константин Спиридонович Чиряев аатынан норуот педагогикатын музейа «Остуоруйа алыптаах киэһэтэ» диэн улуус дьиэ кэргэттэригэр остуоруйа туруоруутугар күрэх биллэрбиттэрин түмүгэ билиннэ. Тэрийээччилэр: дириэктэр Раиса Алексеевна Васильева, старшай методист Фёдора Алексеевна Васильева, педагог-библиотекарь Таисия Петровна Павлова.
Уһуйаан оҕолордоох дьиэ кэргэттэргэ Ороһуттан бастакы миэстэни Ласточкиннар дьиэ кэргэттэрэ (Витя, убайа Алгыстаан, эбэтэ Нина Григорьевна, хос эбэтэ Анна Степановна) ыллылар. Остуоруйаларын аата «Тэттики-Туттуку Моттукуой».
Ороһуттан оскуолаҕа үөрэнэр оҕолордоох дьиэ кэргэттэргэ бастакы миэстэни Кардашевскайдар дьиэ кэргэттэрэ (Ирена, Мэри, ийэлэрэ Дарья Спиридоновна, аҕалара Петр Петрович), «Колобок,» иккис миэстэ Ивановтар дьиэ кэргэттэрэ (Леон, Максим, Шура, ийэлэрэ Галина Капитоновна, аҕалара Андрей Никитич), «Таал-Таал эмээхсин» остуоруйа, ыллылар.
Уһуйаан иитиллээччилэрин дьиэ кэргэттэригэр иккис миэстэ Боотулууттан Васильевтар, үһүс миэстэ Үөһээ Бүлүүттэн «Сказка» сэттис нүөмэрдээх уһуйаантан Ивановтар.
Оскуола саастаах оҕолоох дьиэ кэргэттэргэ үһүс миэстэ Дүллүкүттэн Стручковтар ыллылар.
Барыта 17 дьиэ кэргэн кыттыыны ылбыт. Кыайыылаахтарга грамота, бары кыттыбыттарга туоһу сурук туттарылынна.
«Тымтык» эдкорпост, Ороһу нэһилиэгэ.