Орто Халыма улууһун Өлөөкө Күөл нэһилиэгэр улахан ойуур баһаара туран, олохтоохтор күнүстэри-түүннэри баһаары утары охсуһууга турунан, улахан түбүккэ сырыттылар. Оҕолор эмиэ көмөлөһөн, ыаллартан өйүө хомуйдулар, иһэр ууну штабка тастылар.
Самаан сайыммыт мааны күннэрин тыа баһаара аймаан, хаарыаннаах тыаларбыт, сыһыыларбыт умайан күл-көмөр буоллулар. Уот бөһүөлэкпитигэр ыкса чугаһаан, буруоттан күммүт да көстүбэт, биир кэм барбатах балык миинин курдук, бадыа-бүдүө.
Бэс ыйыттан ыла эр дьоннорбут наар баһаары утары охсуһаллар, билигин улууска ЧС биллэһиллэн, турар-турбат бары баһаары умуруорууга, көрдүгэннэри кэтээһиҥҥэ сылдьаллар.
Оскуола оҕолоро эмиэ туора туран хаалбакка, кыахпыт баарынан көмөлөһөбүт. Ол курдук ас астаан, баһаарга сылдьар дьоммутугар ыытабыт. Ыаллартан астаммыт аһы, ууну суһал штабка таһабыт, мунньабыт. 
Ааптар: Милена Ноговицына,10 кылаас. Өлөөкө Күөл, Орто Халыма.