Бүгүн, олунньу 17 күнүгэр, Ороһу орто оскуолатын маҥнайгы кылааһыгар «Быраһаай, Букубаар» диэн бырааһынньык буолан ааста.
Бастакы кылаастар олох, эрдэттэн кылаастарын киэргэтэн, төрөппүттэригэр торт сакаастаан бэлэмнэммиттэр, долгуйаллар да, үөрэллэр да.
Учууталлара Айыына Дмитриевна Егорова кылааһын оҕолоругар боппуруос бэлэмнээбитигэр оҕолор хоруйдаатылар. Хас биирдии оҕо биир дойдулаахтарын саха норуодунай бэйээтэ Петр Николаевич Тобуруокап «Билэр буукубаларым» диэн хоһоонун буукубаларынан үллэстэн аахтылар. Уонна чахчы да букубаар ааҕарга үөрэппитин, инникитин элбэх кинигэни ааҕыҥ диэн түстээбитин толорорго бэлэмнэрин эттилэр.
«Тымтык» эдкорпост, Ороһу.