СӨ Бырабыыталыстыбатын дьаһалынан ойуур баһаарын уотугар эмсэҕэлээбит Горнай улууһун Бэс Күөлэ нэһилиэгин оҕолоро Бүтүн Арассыыйатааҕы «Орленок» оҕо сынньанар киинигэр астына-дуоһуйа сынньана сылдьалларын бу хаартыскаларга көрүөххэ сөп.
Оҕолор атырдьах ыйын 10 күнүгэр 9 сменаҕа түбэһэ киирэн «Солнечный» уонна «Стремительный» диэн ааттаах этэрээттэргэ арахсан санааларыныы уоскуйа, сүүрэ-тэлэһийэ, үөрэ-көтө сылдьаллар. Лааҕыр олоҕо олус интэриэһинэйин бары бэркэ диэн билэҕит. Араас күрэхтэр, тэрээһиннэр, экскурсиялар, кутаа уотугар олорон ыллааһын, кэпсэтии, саҥа доҕоттор уо.да.а оҕолор куттарын-сүрдэрин туттулар.
Оҕолорбутугар үтүө сынньалаҥы баҕара хаалабыт.