Сүдү талааннаах учуутал, салайааччы, Афанасий Константинович Иванов 90 сылыгар аналлаах тэрээһиҥҥэ кытынным. Оскуолабытыгар кылаастар икки ардыларыгар бөлөҕүнэн уонна биирдиилээн хоһоону, үгэни өйтөн ааҕыыга «Хоһоон хонуута» диэн күрэх ыытылынна. Мин П.Н.Тобуруокап «Эһэ уонна Чыс кутуйах» диэн үгэни учууталым, Варвара Константиновна бэлэмнээн бастаан сыанаҕа артыыстаан толорорго холоннум. Бастаан олус долгуйбутум, онтон элбэхтэ дьарыктанаммын куттаммат буолбутум.
Оскуолаҕа киирэн эмиэ дьарыктаммытым. Үгэ олус интэриэһинэй эбит. Дьоҥҥо артыыстаан, куолаһы, сирэйи-хараҕы уларытан, туттан-хаптан, хамсанан, ааҕарга элбэх дьарык наада эбит. Эмиэ да эһэ, эмиэ да кутуйах оруолларынан араардым. Дьэ, күүтүүлээх күрэхпит буолла. 90-н тахса оҕо кытынна. Кылааһым оҕолоро бөлөҕүнэн В.М. Новиков-Күннүк Уурастыырап «Олох» диэн хоһоонун олус үчүгэйдик толордулар.


Бу күрэскэ кыайбыттар, А.Ф. Бояров аатынан норуот айымньытын дьиэтигэр буолар тэрээһиҥҥэ кыттыахтаахтар.
Оскуолам иһигэр иккис миэстэни ылан, нэһилиэк тэрээһинигэр кыттарбын истэн олус үөрдүм.
Күүтүүлээх күммүт үүнэн эбэбин, эһэбин кытта тэрээһиҥҥэ кэллибит. Үгэбин сүрдээҕин астынан туран аахтым. Саалаҕа олорор дьон ытыстарын таһыннылар. Миэхэ күннүк бэлэхтээтилэр.
Кылааһым оҕолоро бастакы миэстэни ылбыттарын истэн үөрдүм, астынным.
Маннык күрэхтэһиилэр элбии турдуннар.
Альмира ТАБЫРЫНОВА V кылааc,
Э.К. Пекарскай аатынан Игидэй орто оскуолата, Таатта.