Биир түһүлгэҕэ муспут икки күннээх «Олоҥхо оспот омоон суолларынан» күрэх түмүктүүр чааһа үүннэ. Оҕолор ураһаттан арахпакка дьүүллүүр сүбэни күүтэллэр. Кыттааччылар балаҕаҥҥа баппакка таһырдьа тахсан биһирэбиллэрин ыллылар.
Түмүк маннык курдук таҕыста:
Үһүс үрдэл хаһаайынынан буолла Өймөкөөн улууһун эдэр хорсун ходуот уола Босиков Байдам. Иккис үрдэли ыллылар Амма улууһуттан кэлбит ≪Оллон≫ оҕо образцовай ансаамбыла.
Уонна бастакы үрдэл улахан аатын сүктэ Чурапчы улууһун кэрэ кыыһа Максимова Кристина. Кристина бэйэтин кыайыытын кистэбилин туһунан маннык диир:
Наһаа соһуйдум, тиксибэтим буолуо дии санаабытым, тоҕо диэтэххэ наһаа күүстээх, талааннаах оҕолор кытта кэлбиттэр. Кыайыыбар улахан көмө дьиэ кэргэним буолла дии саныыбын. Бэйэм уһуйаантан саҕалаан дьарыктанабын. Дьиэ кэргэним өйөөн бары тэҥҥэ олорон олоҥхолуур этибит, кинилэр миэхэ куус-көмө биэрэллэр, кинилэргэ махтанабын уонна таптыыбын.
Афанасий КАНАЕВ, 11 кылаас, Таатта лиссиэйэ