Оҕо саас сааскы кэрэ күнүнэн, Оҕо тэрилтэлэрин күнэ диэн иккистээн тыыннаммыт Пионерия күнүнэн ытыктабыллаах төлөннөөх сүрэхтээх бэтэрээннэри уонна киэҥ нэлэмэн өрөспүүбүлүкэбит бары көхтөөх оҕолорун итиитик-истиҥник эҕэрдэлиибин!
Бу үөрүүлээх күҥҥэ бэлиэтээн этиэхпин баҕарабын: оҕо хамсааһына олоххо көхтөөх гражданскай позициялаах ыччаты кыра сааһыттан иитэн таһааран, олохпут инники кэскилин түстүүр. Оҕо хамсааһыныгар кыттан, оҕо уопсастыбаҕа маҥнайгы хардыыны оҥорор, тэрийэргэ-салайарга уһуйуллар, хамаандаҕа үлэлииргэ үөрүйэҕи ылар. Быйыл Улуу Кыайыы өрөгөйдөөх үбүлүөйүн бэлиэтиир сылбытыгар оҕо тэрилтэлэрин үлэтэ ордук күүһүрдэ уонна суолталанна. Ыам ыйын 9 күнүгэр Саха сирин хас биирдии муннугар «Кыайыы түннүктэрэ» сандаардылар, «Өйдөбүнньүк чумэчилэр» умайдылар, «Кыайыы сиэннэрэ» эһэлэрин, эбэлэрин кэриэстээтилэр. Ити үлэни иилээн-саҕалаан олохтоох оҕо тэрилтэлэрэ тэрийдилэр.
Билиҥҥи оҕо хамсааһына сайдыытыгар биһиги бэтэрээн баһаатайдарбыт киллэрбит кылааттара тугунан да кэмнэммэт. Биһиги кинилэртэн холобур ылабыт, инники күөҥҥэ тутабыт.
Баҕарабын бүгүҥҥү үөрүүлээх күҥҥэ бука барыгытыгар доруобуйаны, үгүс ситиһиилэри уонна эйэлээх халлааны!
Ньургуйаана Макарова, Россия үөрэнээччилэрин бүттүүн хамсааһынын Саха сиригэр координатора