Ньурба улууһугар сылын аайы ыытыллар «Мин бастакы уруогум» эдэр учууталлар күрэхтэрэ үрдүк таһымнаахтык тэриллэн ыытылынна. Бу күрэх сүрүн сыалынан эдэр педагогтар сайдыылара, сатабылларын атастаһыылара буолар. Уопсайа, 11 учуутал кыттыыны ыллылар.
Күрэх кыттааччылара маастарыстыбаларын көрдөрөр аһаҕас уруоктары ыыттылар. Хас биирдии учууталга уруогу ыытар долгутуулаах уонна интэриэһинэй буолуо дии саныыбын.
Ол курдук, биһиги Н.И Кочнев аатынан 1-гы Хаҥалас оскуолатыттан эдэр, эрчимнээх педагог, алын кылаас учуутала Милена Прокопьевна Иванова кыттыыны ылан, бэйэтин идэтигэр сатабылын көрдөрөн кыайыылаах аатын сүктэ. Кини аныгылыы платформалары туһанан, математика уруогар оҕолор интэриэстэрин тарта уонна дьүүллүүр сүбэни сөхтөрдө. Эдэр, кэскиллээх учууталбытынан киэҥ туттабыт уонна өссө инники үлэтигэр үрдүктэн үрдүк ситиһиилэри баҕарабыт.
Олеся Петрова, XI кылаас,“Ыллык” пост.
Хаҥалас, Ньурба,