Ахсынньы 22-23 күннэригэр «Сатабыл» оҕо айымньытын дьиэтигэр оҕолорго Саҥа дьылы көрсүү кэрэ тэрээһиннэрэ буоллулар.
Сандаарыччы киэргэйбит Харыйачаан тула араас маскарадтаах оҕолор оонньуу-көрүлүү, үөрэ-көтө сүүрдүлэр-көттүлэр. Оҕолор ырыа-үҥкүү толорон араас күрэххэ кытыннылар, Тымныы Чысхаан кэһиитин тутан үөрүүлэрэ үрдээтэ.
Кэлэр дьыл элбэх ситиһиини аҕаллын, чэгиэн-чэбдик буолуохха, айымньылаахтык үлэлиэххэ, туйгуннук үөрэниэххэ, үгүһү билиэххэ-көрүөххэ!
“Сатабыл” медиастудия, Сатабыл оҕо айымньытын дьиэтэ.