Хас биирдии муниципальнай тэриллии бэйэтэ туспа бүддьүөттээх буолар. Биһиги төрөөбүт Тааттыныскай нэһилиэкпит бүддьүөтэ хайдах тыырылларын уонна туохха туттулларын туһунан нэһилиэк Главатын солбуйааччытыттан Артур Евгеньевич Мироновтан көрдөстүбүт.
— Нэһилиэк бүддьүөтэ дотацияттан уонна бэйэ киллэриититтэн турар. Улахан аҥаара дотацияттан киирэр. Тоҕо диэтэххэ, оҥорон таһаарар тэрилтэбит суох, үксэ кыра бизнес. Дотация диэн нэһилиэнньэ ахсаанынан наадыйыы кээмэйин ааҕан баран бэйэ киллэриниитин суумматын көҕүрэтэн туран тиийбэт суумманы государство эбэн ыытыыта буолар. Быйыл Манчаары оонньуулара буолалларынан дотация сууммата эбиллэн турар. Бары билэрбит курдук, улахан тутуулар бара тураллар. Ол курдук, спорт дыбарыаһа, стадион, ипподром тутуутугар федеральнай уонна республиканскай конкурстар нөҥүө үп-харчы киирбитэ. Манна даҕатан эттэххэ, конкурстарга утары софинансирование көрүллэр. Ол харчыта конкурс, грант 6 -16% буолар. уонна Ытык Күөлбүт кытылын тупсарыыга “формирование современной городской среды” диэн конкурска 54 мөлүйүөнү ылары ситистибит. Аукцион нөҥүө подрядчигы таллыбыт, от ыйын маҥнайгы күнүн көрсө бүтэн олохтоохтор уонна ыалдьыттар аныгылыы кырасыабай тутуулаах кытылынан хаамсыахтара диэн астына-долгуйа күүтэбит.
Дьэ, ити курдук, бүгүн биһиги төрөөбүт нэһилиэкпит бүддьүөтэ хайдах тыырылларын туһунан биллибит.
Тааттатааҕы лиссиэй медиакиинэ