Нам нэһилиэгэр З.А. Тихонова аатынан «Түөлбэ» эбии үөрэхтээһин иһинэн «Сайдыс» лааҕыр үлэтин саҕалаата. Барыта биэс араас хайысхалардаах этэрээттэргэ улуус араас оскуолаларыттан кэлэн сайыҥҥы сынньалаҥнарын көхтөөхтүк саҕалаатылар. Ол курдук, «Юный фермер», «Юный модельер», «Фабрика звезд», «Малая киноакадемия», «Дружба» оскуолаҕа киирэр оҕолорго бэлэмнэнии бөлөхтөрө үлэлээтилэр. Биһиги этэрээппит «Поиск» краеведческай хайысхалаах.
Икки күн устата биһиги этэрээппит оҕолоро «Төрөөбүт төрүт түөлбэм историята» диэн бырайыагынан нэһилиэкпит уулуссаларын историятын үөрэтиини саҕалаатыбыт. Ол курдук, лааҕырбыт турар М. К. Аммосов аатынан уулусса устун экскурсияҕа сылдьан, бэрт элбэҕи, саҥаны биллилэр. Лааҕырбыт үөрүүлээх аһыллыыта «Түөлбэ» дириэктэрэ Надежда Гаврильевна Дьячковская, лааҕыр начальнига Аксинья Семеновна Павлова эҕэрдэ тылларынан саҕаланна.
Оҕолорго сайыҥҥы сынньалаҥнарыгар элбэххэ үөрэнэн, билэн-көрөн, талааннарын, дьоҕурдарын сайыннаран туһалаахтык атааралларыгар баҕардылар. Салгыы хас биирдии этэрээт бэйэтин билиһиннэрэн эҕэрдэ музыкальнай номердарын көрдөрдүлэр.
Бу кэнниттэн бука бары бырааһынньыктааҕы остуолга дуоһуйа аһаан үөрэн-көтөн бардылар.
Н.И. Семенова, «Поиск» этэрээт салайааччыта.
«Сайдыс» оҕо сынньалаҥ лааҕыра.