Сэтинньи 15 күнүгэр Н.И. Протопопова аатынан «Кэскил» оҕо айар-тобулар дьоҕурун сайыннарар кииҥҥэ WorldSkillsRussia («Эдэр профессионаллар») 14-16 саастаах оҕолорго муниципальнай кэрдииһэ буолан ааста. «Изготовление прототипов» компетенцияҕа 1 миэстэни И.Л. Кондаков аатынан Бүлүү гимназиятын хамаандата — Эрхан Алексеев, Ньургун Шадрин, 2 миэстэни “Кэскил” киин хамаандата — Тимур Харлампьев, Тимур Никифоров ыллылар.
Биһиги «Кэскил» киин «3D моделирование» куруһуогун үөрэнээччилэрин кытта кэпсэттибит. Тимур Никифоров бу куруһуокка иккис сылын сылдьар эбит буоллаҕына, Тимур Харлампьев быйылгыттан саҥа сылдьан эрэр эбит. Күрэх бириэмэтигэр «Ирригатор» оҥорору ыарырҕаппыттар. Кинилэр «SketchUp» программаннан үлэлээбиттэр. Тимур Никифоров этэринэн, былырыыҥҥы күрэххэ сорудаҕа чэпчэки эбитэ үһү. Уолаттар бэйэлэрин үлэлэринэн уонна кыайыыларынан астыммыттар.
Джулианна Дорофеева, Н.И. Протопопова аатынан «Кэскил» киин
«Репортер» медиа киинэ, Бүлүү к.