Саха литературатын төрүттээччилэртэн биирдэстэрэ, прозаик, драматург Н.Д.Неустроев 125 сааһын көрсө Усуйаана улууһун Хаһааччыйа оскуолатыгар «Уолан» уус-уран ааҕыы күрэхтэһиитэ буолла.
Быйылгы күрэхтэһии дистанционнай ньыманан ыытыллар буолан, оҕолор ааҕыыларын видеоролик оҥорон ахсынньы 10 күнүттэн ахсынньы 12 күнүгэр диэри дьүүллүүр сүбэҕэ ыытан көрдөрдүлэр. «Уолан» уус- уран ааҕыы 2014 сыллаахтан ыытыллар. Күрэхтэһии түөрт суруйааччыга буолан ааста, С. Н. Курилов 85, Платон Ламутскай 100, Н.С. Тарабукин 110, Н. Д. Неустроев 125 үбүлүөйдээх саастарыгар ананна.
Бу ыытыллыбыт күрэххэ үгүстэрэ Н. Неустроев айымньыларыттан кэпсээннэрин ааҕан иһитиннэрдилэр.
Күрэхтэһии түмүгэр кыайыылааҕынан буоллулар: 1-4 кылаастарга 3 а кылаас (салайааччы Макарова Н. Н), 5-8 кылаастарга 7 кылаас (салайааччы Мухоплева Н. С), 9-11 кылаастарга 9 кылаас (салайааччы Бурнашева Я. К).
Номинациялар: Горохов Алик, 7 кылаас — «Кэскиллээх ааҕааччы», Соловьев Сайнар, 4 кылаас -«Уран тыл», 3 кылаас уолаттара -«Этигэн тыл».
Видеоҕа саха литературатын төрүттээччилэртэн биирдэстэрэ, прозаик, драматург Николай Денисович Неустроев «Балыксыт» кэпсээниттэн ааҕан иһитиннэрэллэр 9 кылаас үөрэнээччилэрэ Лебедев Александр, Попов Ярослав, Слепцов Валерий В., Слепцов Валерий Н. Салайааччы — Бурнашева Яна Константиновна.