Муус устар 7 күнүгэр оскуолабыт иҺинэн үлэлиир «Тыыннаах тыл» бырайыак чэрчитинэн «Библионочь» аахсыйа Е.Д. Кычкин аатынан Матта орто оскуолатыгар тэрилиннэ.
Быйылгы тэрээһин 2023 сылга биҺиги улууспут биир киэн туттар суруйааччыта СӨ култууратын үтүөлээх үлэҺитэ, 1941-1945 сс. Аҕа дойду Улуу сэриитин кэмигэр килбиэннээх үлэтин иhин уонна
«В.И. Ленин төрөөбүтэ 100 сылын көрсө килбиэннээх үлэтин иҺин» мэтээллэр хаҺаайыннара, Мэҥэ-Хаҥалас оройуонун, Майа сэлиэнньэтин, Моорук, Тараҕай нэһилиэктэрин, Уус-Алдан улууҺун
Мүрү нэҺилиэгин Бочуоттаах гражданина, ССРС суруналыыстарын, РФ суруйааччыларын сойуустарын чилиэнэ, РФ «Култуураҕа ситиһиилэрин инин» бэлиэ хаһаайына Иннокентий Михайлович Сосин төрөөбүтэ 95 сылыгыр «Суон сурахтаах Суола урэх» диэн трилогия үһүс кинигэтинэн «Библионочь» ыытыллына.
Трилогия диэн биир тиэмэнэн холбоммут айымньылар ис хоһоонноро үс кинигэ тухары арылларын ааттыыллар. Трилогияҕа Иннокентий Сосин төрөөбүт-үөскээбит Суола үрэҕин сирин-дойдутун, кэрэ айылҕатын уонна Суола сүнньүгэр былыр-былыргыттан, бүгүҥҥү күҥҥэ дириҥ норуот номоҕор киирбит дьоһуннаах дьонун-сэргэтин туһунан сэһэннэр суруллубуттар.
Бу тэрээҺиҥҥэ 8 уонна 10 кылаас үөрэнээччилэрэ дьоҺуннаахтык ылсаннар, икки ый бэлэмнэннилэр, ол курдук:
- Иннокентий Михайлович Сосин олоҕун уонна айымньытын кытта билистилэр:
кылаастарыгар айымньынан быыстапка тэрийдилэр, айымньыны ааҕан кэпсииргэ бэлэмнэннилэр, уус-уран айымньыны библиотечнай уруоктарга ырытыстылар; - Аахпыттарын аудиторияҕа кэпсииргэ бэлэмнэннилэр, тиэкискэ ордук суолталаах тыллары быһаардылар (тылдьытынан үлэ). Айымньы ис хоһоонунан хамсаныы, интонация нөҥүө тиэрдии, иэйиилээхтик, ис номоҕун тиэрдэн кэпсииргэ холоннулар (тохтобуллары, куолас үрдэһинин-намтааһынын, болдьох бэлиэлэринэн бэлиэтээһин), истээччигэ тиэртилэр.
- Уонна «Библионочь» тэрээһини ыыттылар.
Мэҥэ-Хаҥалас нэҺилиэктэригэр буолбут дьулаан түбэлтэлэри кэпсээтилэр, 3 кабинекка арахсан, оҕолор көһө-көһө иҺиттилэр.
Онус кылаас үөрэнээччитэ Алика Кычкина бэйэтин санаатын үллэһиннэ: — Мин бүгүн Абалааҕы буулаабыт абааһы туһунан кэпсээтим. Оҕолор бары болҕомтолоохтук иһиттилэр. Интэриэһинэй элбэх дьулаан кэпсээннэр бааллар эбит «Суон сурахтаах суола урэх» диэн кинигэҕэ.
Интэриэһинэй сэһэнньиттэри истээччи оҕолор куоластарынан анал ааттары туттардылар. Ол курдук, «Хомоҕой тыл» — Диана Кычкина, 10 кылаас үөрэнээччитэ, «Талааннаах кэпсээнньит» — Алика Кычкина, 10 кылаас үөрэнээччитэ, «Истээччи биһирэбилэ» — Саша Попов, 10 кылаас үөрэнээччитэ ылла.
«Тыыннаах тыл» ааҕыы бырайыак сыала-соруга толору ситтэ диэн оскуола библиотекара Елена Маркова уонна тэрийсибит учууталлар үөрэн туран эттилэр. Үөрэнээччилэр сэргэх тэрээһинтэн астынан бардылар.
Айталина Бурнашева, «Куорсун» пресс-киин салайааччыта, директори иитии үлэтигэр сүбэһит.