С.П. Данилов аатынан Бэрдьигэстээх орто оскуолата, оскуола иһинэн үлэлиир «РОСТок» оҕо интеллектуальнай дьоҕурун сайыннарыыга кэммиэрчискэйэ суох тэрилтэ көҕүлээһининэн ахсынньы 8 күнүгэр ураты бэлиэ бырайыак — «Марсианскай оонньуулар-2022» спортивнай робототехникаҕа аһаҕас чемпионат ыытыллар.
Уопсайа 230 тахса оҕо уонна улахан дьон Жиганскайтан, Хаҥалас улууһун Мохсоҕоллоох, Уулаах Аан бөһүөлэктэриттэн, Уус-Алдан улууһун Дүпсүнүттэн, Кэбээйи улууһуттан, Дьокуускай куораттан 5 хамаанда, Горнай улууһун Бэрдьигэстээх, Октябрьскай, Маалтааны, Маҥаны оскуолаларыттан кыттыыны ылаллар.
Бырайыак 2022 с. РФ Президент граннарын фондатын кыайыылааҕа буолар. Чемпионат чэрчитинэн ыытыллаллар: «Космос Мир» научнай-техническэй быыстапка, оскуола үөрэнээччилэрин «Наука-космоска-Технология» научнай конференциялара, «Марсианскай оонньуулар-2022» роботехникаҕа күрэхтэһии.
Чемпионат бочуоттаах ыалдьыттарынан Татарстантан Иннополис университетын үлэһиттэрэ профессор, физико-математическэй доктора Александр Васильевич Малолетов, технологическай наука кандидата, старшай преподаватель Олег Викторович Буличев буолаллар.
Чемпионат кыттыылаахтарыгар интерактивнай лекцияны техническэй наука кандидата, Н.Э. Бауман аатынан МГТУ преподавателэ С.А. Воротников ааҕар.
Наука уонна технология сайдыытыгар анаммыт улахан тэрээһин салгыы ыытыллар.
«Кэскил» медиа-оскуола, С.П. Данилов аатынан Бэрдьигэстээх орто оскуолата.