Хас биирдии киһи Саҥа Дьылтан, Ороһуоспаттан туох эрэ дьиктини күүтэр. Бары даҕаны оҕо сааспытын санаан ылабыт, Ороһуоспа күн дьоҥҥо үөрүүнү бэлэхтиир дьол.
Сыл аайы Ф.Г. Охлопков аатынан Майа орто оскуолата үгэскэ кубулуйбут тэрээһиннээх. Балыыһаҕа сытар кырачааннарга, реабилитационнай киин иитиллээччилэригэр, аҕам саастаах дьоҥҥо, элбэх оҕолоох ыалларга уонна тапталлаах Майабыт үлэһит дьонугар саҥа дьылынан бэлэх оҥорор.
Оскуолабыт үөрэнээччилэрэ бэйэлэрин илиилэринэн оҥорбут дьыл символларын-куобахчааннары «Феникс» оҕо тэрилтэтэ уонна эдэр учууталлар дьоҥҥо-сэргэҕэ бэлэх ууннулар.
«ОхлопковNews», Ф.Г. Охлопков аатынан Майа орто оскуолата.