Ол туһунан СӨ култууратын уонна духуобунай сайдыытын министиэристибэтэ иһитиннэрэр. Д.Ф. Ходулов аатынан Майатааҕы норуот айымньытын дьиэтэ аан бастакынан «Сохраним наследие предков» диэн кэнсиэркэ «Пушкинскай каартанан» билиэттэри атыылаата. Онон бу күҥҥэ өрөспүүбүлүкэҕэ «Пушкинскай каартаҕа» холбоммут 10 култуура тэрилтэлэригэр истэригэр киирбит соҕотох улуус буолар.
Култуура уонна духуобунай сайдыы миниистирин бастакы солбуйааччыта Владислав Левочкин этэринэн, култуура тэрилтэлэрэ бэйэлэрин бырагыраамаларын Про.Культура систиэмэҕэ бэлиэтээһини ааһыахтаахтар. Кини кэпсииринэн, бу манна ордук көхтөөхтүк Дьокуускай куорат култууратын тэрилтэлэрэ уонна Мииринэй оройуонун Чернышевскай бөһүөлэгэ үлэлэһэллэр эбит.
Бу куҥҥэ өрөспүүбүлүкэ үрдүнэн 16 тыһ. 727 устуука «Пушкинскай каартаны» оҥоттордулар. Маны таһынан 217 пластик каарта оҥоһулунна, ол иһигэр Дьокуускайга — 142, Нерюнгрига — 36, Мииринэйгэ — 14, Өлүөхүмэҕэ — 14, Ленскэйгэ — 11.
Аудиториятын ылан көрөр буоллахха, 14-тэн 22-гэр диэри саастаах ыччакка барыта 7 тыһ. 609 билиэт уопсайа 2 мөл. 311 тыһ. 236 солк. суумаҕа атыыланна.