WorldSkills Russia «Эстетическай косметология» хайысхатыгар С.П. Данилов аатынан Бэрдьигэстээх орто оскуолата үрдүк таһымнаахтык тэрийэн ыытта.
Күрэххэ Л.Е. Лукина аатынан эбии үөрэхтээһин кииниттэн, С.Г. Ковров аатынан Күөрэлээх орто оскуолатыттан, С.П. Данилов аатынан Бэрдьигэстээх орто оскуолатыттан 8 үөрэнээччи-кыыс кыттыыны ыллылар.
Күрэх түмүгүнэн: 1 миэстэ — Милена Данилова, С.П. Данилов аатынан Бэрдьигэстээх орто оскуолата, 2 миэстэ — Карина Леверьева, улуустааҕы гимназия, 3 миэстэ — Белла Сыромятникова, Л. Е. Лукина аатынан эбии үөрэхтээһин киинин иитиллээччитэ.
Күрэххэ кыттыбыт кыргыттар дипломунан, кыайыылаахтар грамотанан наҕараадаланнылар. Милена Данилова ахсынньы ыйга эрэгийиэннээҕи түһүмэххэ кыттар чиэскэ тигистэ.
«Кэскил» медиа-оскуола, С.П. Данилов аатынан Бэрдьигэстээх орто оскуолата.