И.Е. Иванов-Уйбаан Ороһуунускай аатынан олохтоох бибилэтиэкэ (Ж.С. Иванова) кырачаан ааҕааччыларга, кэлэр сыл хаһаайынын куобаҕы ханнык баҕарар матырыйаалынан оҥорорго уонна оҥоһуллубут куобаҕы хоһуйан түөрт устуруокалаах хоһоон айарга күрэх биллэрбитэ. Ону биһирээн, «Иэйиэхсит» оҕо бөлөҕүн алын кылааһын оҕолоро мустан олорон, ким хайдах толкуйдуурунан, сатыырынан «куобаҕы» Камилла Ноговицына, Амелия Прокопьева, Ирена Кардашевская, Марина Лаптева, Ванесса Васильева уонна мин оҥордубут. Биһиги оҥоһуктарбыт таһынан, нэһилиэк оҕолоруттан оҥоһуктар киирэн, остуолга тэлгэтиллибиттэр.
Дьүүллүүр сүбэ түмүгүн таһаардаҕына, бастыҥ, биһирэммит үлэлэргэ «Кустук» маҕаһыын (М.А. Таныкова), олох-дьаһах коммунальнай хаһаайыстыба Ороһутааҕы филиала (В.К. Котоконов) туруорбут саҥа дьыллааҕы бэлэҕэ күүтэр.
Биһиги оҥоһуктарбыт биһирэниэхтэрэ диэн баҕа санаабыт улахан.
Авелия Кириллина, «Иэйиэхсит» оҕо бөлөҕө, Ороһу.