Саҥа дьыл бырааhынньыгын бары үөрэ-көтө күүтэбит, тугу эмит саҥаны аҕалаарай, баҕа санаабыт туолаарай диэн.
Саҥа 2023 сыл бэлиэтэ Куобах сыла кэлэринэн, оскуолабытыгар куобах оҥоһугун куонкуруһа ыытылынна. Оҕолор оҥоһуктарын араас матырыйаалтан: поролонтан, фанераттан, кумааҕыттан, саптан, араас техниканы туһанан (папье-маше) толкуйдаан оҥорбуттар. Бииртэн биир интэриэһинэй куобахтар манна бааллар: барабааннаах, чаһыылаах, харыйалаах, моркуоптаах, оонньуурдаах, дьиэлээх, ыйга, устуулга олорор кытта. Куобахтар остуоруйа, мультфильм да дьоруойдарыттан бааллар. Оҕолор үлэлэрин быыстапкалаан уурбуттарын, бары сөҕөн көрдүлэр.
Кэлэр Куобах сыла барыбытыгар үтүөнү, дьолу, эйэни эрэ аҕаллын диэн баҕарабыт.
Саяна Никифорова, 6 кылаас үөрэнээччитэ, «Көмүс бөрүө» пресс-киин,
Илбэҥэ, Бүлүү.