Бу күннэргэ Пионерия күнүн уонна Россияҕа Оҕо общественнай тэрилтэлэрин күнүнэн, Кэбээйи орто оскуолатын 1-4 кылаастара долгутуулаах айаҥҥа аттаннылар! Онуоха кинилэргэ оҕо хамсааҺынын тэрийээччи Эверстова М.К., эбии үөрэхтээһин педагогтара, улахан кылаас үөрэнээччилэрэ, төрөппүттэр уонна кылаас салайааччылара көмөлөстүлэр. Ыҥырыылаах ыалдьытынан Софронеева Матрена Симоновна буолла. Кини СӨ үөрэҕириитин туйгуна, Үлэ ветерана, СӨ үөрэҕириитин систематын Бочуоттаах ветерана, «Учууталлар учууталлара», Кэбээйи орто оскуолатын урукку пионервожатайа.
Оҕолор түмсүүлээхтэрин, өйдөрүн, сымсаларын уонна дьоҕурдарын көрдөрдүлэр. Кинилэр ребустары таайдылар, кистэммит сорудахтары толордулар, араас мэһэйи туораатылар, история, литература уонна тулалыыр эйгэ туһунан билиилэрин чиҥэттилэр.
Түмүккэ бары хамаандалар тургутуулары этэҥҥэ аастылар!
Ол кэннэ биҺиги настаабынньык кыргыттар оҕолор бэҺиэлэй оонньуулары оонньоттубут, үөрэ-көтө тарҕастыбыт.
Левина Виолетта, 10 кылаас, «Дьоҕур» медиакиин, Кэбээйи орто оскуолата