Бары билэрбит курдук, бэс ыйын 1 күнүгэр Россия Конституциятыгар уларыйыы-эбии киирэрин туһугар куоластааһын буолуохтаах. Үөһээ Бүлүү улууһун Дүллүкү орто оскуолатын оҕолоро (учуутал Антонина Афанасьева) Конституцияҕа киирэр уларыйыылары билсиһэн, санааларын үллэстэллэр.
Семенов Петя, 8 кылаас:
— Конституция — дойду сүрүн сокуона. Аан бастаан Россия Конституцията 1918 с. ылыллыбыт. Билигин тутуһан олорор Конституциябыт — 1993 с. Кулун тутар 11 күнүгэр Федерация Сэбиэтин мунньаҕар Конституция сокуонун уларытыы туһунан дьаһал ылыммыттара. Бу сыл от ыйын 1 күнүгэр Конституция уларытыытын быыбара буолуохтаах (референдум). Быыбарга 18 саастан үөһэ саастаахтар кытталлар.
97 ыстатыйаҕа киириэхтээх уларытыылары интэриэһиргээтим. Манна: “Государственнай Дума депутата Российскай Федерация гражданина буолуохтаах, атын тас дойду гражданина буолара сатаммат, тас дойду бааннарыгар уурунуу харчыта суох буолуохтаах», — диэн суруллубут. Ол сөптөөх.
Уруйдаана Афанасьева, 8 кылаас:
1) в СТАТЬЕ 67:… 2) дополнить статьей 671 следующего содержания:.. 4. Дети являются важнейшим приоритетом государственной политики России. Государство создает условия, способствующие всестороннему духовному, нравственному, интеллектуальному и физическому развитию детей, воспитанию в них патриотизма, гражданственности и уважения к старшим. Государство, обеспечивая приоритет семейного воспитания, берет на себя обязанности родителей в отношении детей, оставшихся без попечения.»;
Мин санаабар, ол аата оҕону иитиигэ уонна сайыннарыыга үчүгэй усулуобуйа тэриллиэхтээх. Государство дьиэ кэргэн иитиитигэр көмөлөһөр эбээһинэстээх буоллаҕына, олус үчүгэй.
Санникова Алина, 6 кылаас:
— Конституция диэн дойду сүрүн сокуона буолар. Билиҥҥи Конституцияны 1993 сыл ахсынньы 12 күнүгэр бүтүн бары куоластааннар ылыныллыбыт эбит.
Быйыл Россия сүрүн сокуонугар уларытыы киллэриллэрин туһунан президент В.В.Путин эппитин «Саха» НКИХ сонуннарыгар истибитим. Барыта 200-тэн тахса уларытыы киирэр, ону 18 саастарын туолбут дьон куоластаан ылыналлар эбит.
Мин сүрүн сокуон 72 ыстатыйатыгар уларыйыыны сэргээтим.
Д) «Тыа хаһаайыстыбата» диэн эбиллэн биэрбит. Биһиги тыа хаһаайыстыбатынан дьарыктанар улуус буоларбыт быһыытынан көмүскэллээх буолбуппут.
Е) «Эдэр ыччат политиката» диэн эбиллибит. Ол эдэр ыччат үүнэригэр- сайдарыгар төһүү күүс буолуо диэн эрэнэбин.
Ж) «Защита семьи, материнства, отцовства и детства» диэн сотуллубут, ол оннугар Ж1 пуун эбиллэн толору суруллубут. Билигин кырдьыбыт төрөппүттэрин көрбөт дьон элбэх. Төрөппүттэрин кырдьаҕастар дьиэлэригэр туттараллар. Онон оҕолор төрөппүттэригэр ытыктабыллаахтык сыһыаннаһан, кырдьар саастарыгар көрүөхтээхтэрин туһунан суруллубута сөптөөх.