Р.А. Кулаковскай «Аҕам олоҕо» кинигэтигэр Кулаковскай саха алпабыытын кириллица халыыбыгар киллэрэр туһугар туруорсубутун суруйбут. Саха сирэ Россия састаабыгар киирэрэ, онно улаханнык дьайбыта.
«Культивизация», үөрэхтээһин түргэнник барарын туһугар Өксөкүлээх Өлөксөй туруорсан Ойуунускайдааҕы кытта саха тыла суругун латыын алпабыыттан кириллицаҕа көһөрбүттэр. Саха оҕото үөрэҕи ылынарыгар, сахалыы учебник, кинигэ бэчээттэтэргэ бу улахан көдьүүс буолбут. Инньэ сытар, Кулаковскай биир улахан үтүөтэ. Ол иһин, Букубаар бырааһынньыга Кулаковскайы кытта ыкса ситимнээх. Оттон бырааһынньыга билиини ылар кыахтаммыт, ааҕар буолбут оҕоҕо, төрөппүккэ улахан үөрүү.
Ити информацияны үйэтитээри 2018-19 үөрэх сылыгар, төрөппүттэрбитин кытта саахымат вышивкалаан, кыбытык ньыманан холбоон, төрөппүттэр сылаас илиилэринэн улахан панно тигэн Саха тылын күнүгэр Букубаарбыт күнүн Ыһыах форматынан ыыппыппыт.
Ол сыл кулун тутар ыйыгар Лариса Реасовна Кулаковская Саха сиригэр дипломатия күннэрин чэрчитинэн Болгарияттан Плиска куораттан, Кириллица музей тэрийээччитин Карен Алексаняны Мэҥэ-Хаҥалас Павловскайыгар таһаара сылдьыбыта. Ол музейга Кулаковскайга бюст турар. Оччолооҕу истэн баран, саха литэрэтиирэтин төрүттээччибитигэр, ханыылаан паннобутун Болгарияҕа бэлэх ыыппыппыт. Кылаас салайааччылара Анна Михайловна Егорова, Лариса Львовна Егорова.
Бу иккис Ыһыахпыт, иккис паннобут. Төрөппүттэр үөрүүнэн тиктилэр, аны бу панно кылааспыт биир бастыҥ сиригэр ыйаныа. Билии үөрүүлээх түһүлгэтин санатыа, кэрэҕэ угуйуо турдаҕа.
Тэрээһини эрдэттэн былааннаан, элбэх бырайыагы холбоон оҥордубут. Ол курдук, «Хомус дорҕооно», «Хоһоон хонуута», сал. А.М. Егорова, «Ручное творчество», сал. А.А. Протодьяконова, «Рисуем все» (Э.В. Попова), «Подвижные игры» (сал. И.В. Колосов), «Мир танца» куруһуок (сал. С.Ф. Попова), ону таһынан төрөппүттэр көмөлөрө, тэрээһиннэрэ үлэни ситимниир, киэргэтэр. Сценарий А.Е. Кулаковскай-Өксөкүлээх Өлөксөй «Сайын кэлиитэ» айымньытынан, Ыһыах форматынан тэрилиннэ. Оҕону иитии элбэх үтүө үгэстэрин тутуһан, оонньууларын оонньотон, тургутан, хамсатан сэргэхсийдибит, Букубаарбытыгар махтанныбыт.
Анна Егорова, В.Н. Оконешников аатынан Павловскай орто оскуолатын алын сүһүөх учуутала, СӨ Үөрэҕириитин туйгуна.