Улуу Кыайыы 80 сылын көрсө Бүөтүр Оҕотоойоп аатынан сынньалаҥ киинигэр 90 тахса киһилээх «Кыайыыга кынаттаабыт ырыалар» бөдөҥ кэнсиэр турда. Бу кэнсиэргэ уһуйаан оҕолоруттан саҕалаан аҕам саастаах дьон тиийэ кыттыыны ыллбыттара кэрэхсибиллээх.
Кэнсиэр сүрүн ыалдьыта Лөгөй оскуолатын 1971 сыллаах выпускнига, Саха өрөспүүбүлүкэтин норуодунай артыыһа, Уус Алдан улууһун бочуоттаах олохтооҕо, Гражданскай килбиэн бэлиэ хаһаайына Владимир Ильич Заболоцкай буолар. Кини бөһүөлэгин олохтоохторугар ырыа алыптаах киэһээтин бэлэх уунна.
Маны тэҥэ, бөһүөлэк уус-уран тыыннаах дьоно-сэргэтэ кыттыыны ыллылар. Ол курдук, бу кэнсиэргэ 7 ырыа куттаах ансаамбыллар: «Аал уот», «Долгураҥ», «Кэрэли», «Эр дьон» квинтета, салайааччы Бүөтүр Оҕотоойоп аатынан сынньалаҥ киин уус-уран салайааччыта Варвара Федорова.
Маны тэҥэ «Талба≫, «Чэчир≫ оҕо уһуйаанын итииллээччиллэрэ, салайааччы «Чэчир» оҕо уһуйаанын ырыаҕа учуутала Альбина Николаевна Бурнашева уонна «Лөгүйүк Дугуйук» салайааччылар Анастасия Михайловна Колесова, Наталья Семеновна Олесова маны таһынан 2 ойуу-мандар оһуордаах үҥкүүһүт бөлөхтөр кыттыыны ыллылар: «Лөгөй оһуордара», «Мир на земле» үҥкүүнү Лөгөй лиссиэй 7 кылааһын үөрэнээччилэрэ толордулар үҥкүүлэри туруорда Ольга Николаевна Перевалова. Түмүккэ бары кыттааччылар «День Победы» диэн ырыаны күргүөмүнэн ыллаатылар!
Янис СЫСОЛЯТИН, Лөгөй лиссиэй-интэринээт «SiTiM LegMedia» юнкора