Кэбээйи улууһун Кэбээйи орто оскуолатыгар II улуустааҕы Барҕарыы научнай-практическай кэмпириэнсийэ ыытылынна. Быйылгы улуустааҕы түһүмэҕи 7-11 кылаас үөрэнээччилэригэр анаан Кэбээйи улууһун үөрэҕириитин салалтата уонна Е.Е. Эверстов аатынан Кэбээйи орто оскуолатын кэллэктиибэ тэрийэн ыыттылар. Кэбээйи, Куокуй, Ньидьили, Мастаах, Тыайа орто оскуолаларыттан уопсайа 32 оҕо кыттыыны ыллылар.

Тэрээһин үөрүүлээх арыллыытыгар эҕэрдэ тылы эттилэр: улуустааҕы Үөрэҕирии салалтатын аатыттан үөрэх уонна иитии салаатын начальнигын эбээһинэһин толорооччу З.Г. Федорова, Кэбээйи орто оскуолатын учууталын саха тылын учуутала А.П.Терехова.

Оскуолабыт үөрэнээччилэрэ эҕэрдэ нүөмэрдэри көрдөрдүлэр. 3 “а” кылаастар сахалыы инструменнарынан доҕуһуоллаан эҕэрдэлээтилэр, Тохсус кылаас кыргыттарын ансаабыллара иһирэх ырыа бэлэхтээтилэр.



Кэмпириэнсийэ чинчийэр үлэ нөҥүө оҕо айар, ырытар, анаарар дьоҕурун, сахалыы саҥарар-толкуйдуур сатабылын сайыннарар сыаллаах тэрилиннэ
Сайаана ТЕРЕХОВА, 10 кылаас,
Хаартыскаҕа түһэрдэ: Виолетта Левина, 10 кылаас
Дьоҕур медиакиин, Кэбээйи орто оскуолата