Кэбээйи орто оскуолатын үөрэнээччилэрэ Арассыыйа Геройун Николай Евдокимовы кытта көрсүҺүүлэрэ эдэр дойдунааттар сүрэхтэригэр чаҕылхай суолу-ииһи хаалларда. Ону тэҥэ, Николай Евдокимовы кытта «Саллааттар уонна Мотуруостар Ийэлэрин Сэбиэтин» бэрэссэдээтэлэ Мария Егоровна Емельянова, МЦ «Патриот» салайааччыта Гюльжан Огонерова кэлэ сырыттылар.
Ыалдьыттарга Кэбээйи орто оскуолатын оҕолоро экскурсия тэрийдилэр. Оскуолабыт историятын, олоҕун-дьаҺаҕын, Аҕа дойду Улуу сэриитигэр кыайыыга эҺэлэрин, хос эҺэлэрин кылааттарын, хаартыскаларын көрдөрдүлэр. Ыалдьыттар сэрии геройдарын туһунан өйү-санааны тутуһуу дьыалатыгар үрдүктүк сыаналаатылар уонна бэйэлэрин историяларын хайдах билиэхтээхтэрин, өйдүөхтээхтэрин тоһоҕолоон бэлиэтээтилэр.
Кыра кылаас үөрэнээччилэрэ тематическай көрсүһүүлэри бэлэмнээтилэр, онтон үрдүк кылаас үөрэнээччилэрэ ыалдьыттары кытта аҕаҺастык кэпсэттилэр, Николай Евдокимов сулууспатын, ыарахан кэмнэргэ туох көмөлөспүтүн о.д.а кэпсээтэ. Саллаат инники күөҥҥэ хайдах буолуохтааҕын, бойобуой соруктары толорууга ханнык хаачыстыбалар наадалаахтарын интэриэһиргээн туран иҺиттибит. Герой онтон да элбэх ыйытыыга хоруйдаата, дойдуга бэриниилээх буолуу суолтатын туһунан бэйэтин санаатын үллэһиннэ.
Бу көрсүһүү — дьиҥнээх дойдунаат Аҕа дойдутун көмүскүөхтээх эрэ диэн буолбатах, кини историятын ытыктыахтаах, чэчирии сайдарыгар туох кыалларын барытын оҥоруохтаах — диэн оҕолорго дьоһун уруок буолла.
Сайаана Терехова, 10 кылаас.
«Дьоҕур» медиакиин, Кэбээйи орто оскуолата