Нерюнгри куоракка ыытылла турар Олоҥхо Ыһыаҕар Ил Түмэн бэрэссэдээтэлин солбуйааччыта Жирков Александр Николаевич мин ыйытыыбар хоруйдаата.
— Оҕолор олоҥхону толороллорун туһунан туох дии саныыгытый?
Биһиги төрүт угэстэрбитин бэйэбит кэннибитигэр хаалларыахпытын, ыччаттарбытыгар тириэрдиэхпитин баҕарар буоллахпытына, ол үгэстэри адьас оҕолортон, ийэлэрин үүтүттэн саҕалыахтаахпыт. Онон, эһиги, кыттыһаргыт, ыллыыргыт, туойаргыт бу Саха өбүгэлэргит үгэстэрин билэ сатыыргыт олус үчүгэй. Ол иһигэр эһиги тохтоон тойуктуугут, Саха номохторун үһүйээннэрин билэҕит, Саха төрүт үгэстэрин. Оннооҕор сахалыы сатаан таҥнаҕыт, сахалыы аһы-үөлү сөбүлүүргэ үөрэнэҕит. Квастааҕар эбэтэр колатааҕар кымыһы уонна быырпаҕы ордороҕут, ити эмиэ үчүгэй буотах дуо? Онон, эһигини, бу дьарыккытын адьас бырахпатыннар диэн алгыыбын! Дьарыктаныҥ, Саха саҥа көлүөнэ дьоно! Сүрдээх муударай, дириҥ культуралаах омук, төрүт үгэстэрдээх омук. Ону ильдэ сылдьар буоллахытына, төрөөбүт тылгытын, төрөөбүт үгэстэргитин өйдүү сырыттаххытына, эһиги ханнык да омуктары кытта биир муостаҕа, биир кэккэҕэ туран, кэпсэтэр кыахтаах буолан, бэйэҕит санааҕытыҥ тута сылдьар күүстээх дьон буолуоххут. Онон бэйэҕит тылгытын, култуураҕытын, төрүт үгэстэргитин билэргититтэн айас хаһан даҕаны муҥкугуруоххут суоҕа, ол иһин инники диэки баран иһин, кытаатыҥ. Улахан махтал диэбиччэ, бэйэм эмиэ быырпах иһээри гынным, онтон эһиги?
Виктория Борисова, IX кылаас, Хайахсыт, Чурапчы