Саха Автономиятын төрүттэспит, государственнай, политическай деятель Исидор Никифорович Барахов төрөөбүтэ 125 сылыгар Ороһуттан төрүттээх «Кустук» алаастан куорсун анньыммыт айар талааннаах Иван Еремеевич Иванов-Уйбаан Ороһуунускай тылларыгар, мелодистар В.В. Ефимов-Баянист Баака, Т.И. Шестаков матыыптарыгар «Бараахап туһунан ырыа» И.Н Барахов төрөөбүт күнүгэр, олунньу 12 күнүгэр, Үөһээ Бүлүү дьонун-сэргэтин күргүөмнээн толорууларыгар акцияны үрдүк таһымнаахтык ыытарга диэн » Үөһээ Бүлүү улууһа» (оройуона) муниципиальнай тэрилтэтэ, Култуура уонна духуобунай сайдыы департамена, Норуот айымньытын киинэ ыҥырыыларын өйөөн, нэһилиэк култуураларын үлэһиттэрэ, тэрилтэлэр салаайааччылара биир сомоҕо буолан нэһилиэк олохтоохторун мунньан көхтөөхтүк кытталлар.
Ороһу нэһилиэгэ биир дойдулаахпыт айбыт хоһоонугар олоҕуран ырыа айыллыбытыттан киэн туттан туран, олус түмсэн туран «Бараахап туһунан ырыаны» Татьяна Гаврильевна Кысылбаикова, Руслан Русланович Огочонов ырыаны таһааран ыллаабыттарыгар биир киһи курдук хос ырыатын ыллаан ньиргитэн кэбистибит.
«Тымтык » эдкорпост, Ороһу.