«Инникигэ хардыы» эдэр чинчийээччилэр кэмпириэнсийэлэригэр Мүрүтээҕи «Уолан» гимназия уолаттара кыттан, олоххо улахан суолталаах тиэмэлэри чинчийбиттэр.
Быйылгы академик В.П. Ларионов аатынан “Инникигэ хардыы” XXV научнай-практическай кэмпириэнсийэҕэ Уус Алдан улууһун В.В. Алексеев аатынан Мүрүтээҕи уолаттар гимназияларын үөрэнээччилэрэ бэйэлэрэ чинчийбит үлэлэрин түмүгүн онлайн көмүскээтилэр.
Афамар Сивцев, X кылаас (салайааччы- Евдокия Федосьевна Аммосова) :
— «Исследование влияния низких температур на аллотропные модификации углерода» диэн тиэмэни олус кэрэхсээн талбытым. Бу биһиги олорор тымныы дойдубутугар аккумуляторы хайдах уонна ханна туттуохха сөбүй диэн ыйытыыны көтөҕөн, бу тиэмэҕэ научнай бырайыагы суруйдум.
Бу тиэмэ олоххо ирдэбилэ улахан. Билиҥҥи кэмҥэ гальваническай элемент, ол эбэтэр батарейка (аккумулятор) хас биирдии хардыыбытыгар көрсөбүт. Холобур, массыына аккумулятора суох собуоттаммат. Билигин киһи барыта төлөпүөннээх, онно эмиэ батарейкалаах.
Үлэбин суруйан, маннык түмүккэ кэллим: Биһиги Сахабыт сирин тымныытын тулуйар батарейка наада. Онно барсар реактивтары уонна химическэй элеменнары холбоон -50°С тымныыны тулуйар батарейка инникитин баар буолуо дии саныыбын уонна эрэнэбин.
Вадим Петухов, VIII кылаас (салайааччы — Людмила НиколаевнаСпиридонова, математика учуутала):
— Мин тиэмэм аата — «Разработка уплотнительных колец свечных колодцев двигателя ЗМЗ-409». Мин бу тиэмэни тоҕо таллым? Билигин бөҕү мээнэ быраҕабыт. Ол гынан баран, бөҕү бырахпакка эрэ, иккис тыын биэриэххэ сөп. Холобур, тиэрмэс оҥордоххо айылҕаҕа уонна бэйэҕэр үчүгэйи оҥороҕун. Тиэрмэс оҥорорго ититэр матырыйааллары ис туругун үөрэтиэххэ, билиэххэ наада. Мин тиэрмэһи оҥорорго поролон, монтажнай пена, пенопласт уонна ититэр фольганы туттан, тэҥеээн көрбүтүм. 12 чаас устата температураны кээмэйдээбитим, онно поролон киэнэ саамай үчүгэй буолбута.
Юрий Никулин, V кылаас (салайааччы -Розалия Анатольевна Готовцева):
— Тиэмэм аата — «Алоэ стимулятор роста и развития для растений». Мин «Инникигэ хардыы» кэмпириэнсийэҕэ быйыл бастакыбын кыттабын. Интэриэһиргиир тиэмэбин талан, учууталбар эппитим. Кинилиин бииргэ алоэ туһунан үөрэтэн саҕалаабыппыт.
Алоэ араастарын, туохха туһалыырын, ханна үүнэллэрин, тас көстүүтүн уонна айылҕаҕа баар стимулятор буоларын биллим.
Ааптар: Павел Ильин.