Усуйаана улууһун Хаһааччыйа орто оскуолатын үөрэнээччилэрэ өрөспүүбүлүкэтээҕи «Инникигэ хардыы» научнай- практическай кэмпириэнсийэҕэ сылын аайы кытталлар. Холобур, Алексей Слепцов «Улуу айанньыт Барон Толль Усуйаанаҕа айана», Гальмира Дохунаева «Этнокультурные традиции тундренных юкагиров», Анита Слепцова «Кичил — школа жизни юкагиров- охотников» оскуолабыт кыраайы үөрэтэр түмэлин матырыйаалыгар олоҕуран, ситиһиилээхтик кыттыбыттара.
Быйыл VI кылаас үөрэнээччитэ Тапталлаана Филиппова кытынна.
![](https://keskil14.ru/wp-content/uploads/2024/01/tapp-1024x832.jpg)
Кини удьуор табаһыт Филипповтар сиэннэрэ, үөрэх туйгуна буолар. Үлэтин тиэмэтэ олус кэрэхсэбиллээх, ураты — хоту дойду мааны аһын- үөлүн туһунан «Определение витаминов в традиционной пище коренных малочисленных народов севера Якутии» диэн буолар. Салайааччыта — Бубякина Сахаяна Михайловна, биология уонна химия учуутала.
![](https://keskil14.ru/wp-content/uploads/2024/01/tappp.jpg)
Бүгүн түмүк биллэн, Өрөспүүбүлүкэтээҕи «Инникигэ хардыы» кэмпириэнсийэҕэ Тапталлаана 1 истиэпэннээх дипломант буолла уонна Россиятааҕы Менделеев аатынан научнай-чинчийэр үлэлэр куонкурустарыгар кыттарга мэктиэлэннэ.
Розалия Горохова.
Хаһааччыйа, Усуйаана.