«Инникигэ хардыы»: Бүлүү улууһун Чернышевскай оскуолатыттан Эрчимэн Семенов кыттар

«Инникигэ хардыы» эдэр чинчийээччилэр кэмпириэнсийэлэригэр  Бүлүү улууһун   С.М. Васильев аатынан Чернышевскай оскуолатыттан Эрчимэн Семенов кыттар.

9 кылаас үөрэнээччитэ Эрчимэн Семёнов оскуола биир киэн туттар үөрэнээччитэ, олимпиадаларга, кэмпириэнсийэлэргэ көхтөөхтүк кыттар.»Инникигэ хардыы»  кэмпириэнсийэҕэ учуутал Д.Ф.Семенов салалтатынан «Герои соцтруда в цифрах» тиэмэнэн кытынна.

Эрчимэн маннык түмүккэ кэлбит:

1. Үлэ Геройа ааты 60-70 сыллардаахха ордук элбэх киһиэхэ иҥэрбиттэр.
2. Үлэ Геройа ааты ылбыттарга эр дьон дьахталлардааҕар элбэхтэр.
3. Наҕараадалары «пятилетка» түмүгүнэн биэрэллэр эбит.
4. Промышленность, тыа хаһаайыстыбата, транспорт эйгэтигэр ордук элбэх наҕараадаламмыт баар.
5. Аныгы кэмҥэ биһиги өрөспүүбүлүкэбит дьоно  РФ Үлэ Героя аатын ылбыттар ортолоругар эмиэ бастакы кэккэҕэ сылдьаллар.