«Инникигэ хардыы» эдэр чинчийээччилэр кэмпириэнсийэлэригэр Абый улууһун В.Н.Дохунаев аатынан Муҥурдаах орто оскуолатыттан Арсен Стручков кыттар.
Арсен 10 кылаас үөрэнээччитэ. Үлэтин аата: «Создание якутских музыкальных шумовых инструментов».
Сыаганнаах дэриэбинэтигэр «Элгэс эрэллэрэ» фольклорнай ансамбль тэриллэн, айымньылаахтык үлэлиир. Ол эрээри сахалыы музыкальнай үнүстүрүмүөннэри булар күчүмэҕэй.
Онон Арсен ансамбльга көмөлөһөөрү, былырыыҥҥыттан үлэтин саҕалаабыта. Былырыын улуус иһигэр лауреат, өрөспүүбүлүкэҕэ 2 степеннээх дипломант буолбута уонна Москва куоракка барарга мэктиэ ылбыта. Быйыл үлэтин салҕаан, эбэн биэрдэ.