2022-23 үөрэх сылыгар ССРС норуодунай учууталын аатын сүгэр өрөспүүбүлүкэтээҕи лицей-интернакка туттарсан үөрэнэр буоллум.
Ороһу оскуолатыгар алын кылаастан 7 кылааска дылы «Иэйиэхсит» оҕо бөлөҕөр ( сал. Н.Н. Михайлова) дьарыктаммыппын истиҥник санаан суруйуохпун баҕардым.
«Доҕордуулар» диэн куукула тыйаатырыгар төрөппүттэрбитин кытта, талан ылбыт остуоруйабытыгар куукула тигэн, «Тугутчаан» оҕо уһуйааныгар көрдөрөрбүт, Бүлүүгэ ыытыллыбыт «Бриллиантовые нотки» күрэххэ лауреат буолбуппут, Үөһээ Бүлүүгэ «Трилями» күрэххэ «Лучшее исполнение образа» диэн номинация кыайыылааҕа буолан үөрбүтүм.
Саас ыһыктаах, салааскалаах айылҕаҕа баран сынньанан кэлээччибит. Саҥа дьылы бары бииргэ көрсөн, бэйэ-бэйэбитигэр бэлэх бэрсээччибит. Сыл устата араас күрэххэ ситиһиилээхтик кыттыбыт оҕолорго Нина Никитична анал бирииһин туттарааччы, мин бириискэ тиксэн турабын.
Куйаар ситиминэн үөрэнэр кэммитигэр «Оҕо уонна Оҕо» бырайыагынан нэдиэлэ аайы хас биирдии оҕо бириистээх күрэх ыытан, кыайыылаах оҕо бириис ылан үөрэрэ-көтөрө. Быйылгы үөрэх сылыгар бу бырайыак салгыы ситиһиилээхтик үлэлээтэ. Ону таһынан «Уһуйаан-Иэйиэхсит-Төрөппүт-Оҕо» бырайыагынан уһуйаан оҕолоругар 29 тэрээһин ыытылынна. Мин бырайыактарга кыттан истим.
«Иэйиэхсит» оҕо бөлөҕөр сылдьыбытым оҕо сааһым умнуллубат биир түгэнэ буолар.
Айна ТАРАСОВА, Ороһу,
Үөһээ Бүлүү.