Мин хос эбээм аата Саввина Домна Семеновна кини — Аҕа дойду Улуу сэриитин тыыл бэтэрээнэ. Чурапчы оройуонугар Чакыр нэһилиэгэр 1935 с. ахсынньы 10 күнүгэр төрөөбүтэ. Аҕата Саввин Семен Иванович сэрии кыттыылааҕа- мин хос-хос эһээм буолар, 1942 с. сэриигэ барар уонна 1943 с. бааһыран 9 ый эмтэнэр. Үтүөрбүтүн кэннэ иккистээн сэриигэ ыҥыраллар — 1944 с. кулун тутар ыйга өлөр. Ийэтэ Саввина Ирина Николаевна диэн — мин хос-хос эбээм буолар.
Сэрии кэмигэр Мэҥэ-Хаҥалас оройуонугар Бүтэйдээххэ иитиллибитэ. Тулаайах хаалбыт оҕолорго 1944 с. детдом-интернат арыйбыттар, онно бастакы кылааска үөрэнэ киирбит.
7 кылаас кэнниттэн куоракка киирэр. Якутское педучилище диэн үөрэххэ 4 сыл үөрэммит. Үөрэҕин бүтэрэн баран, хоту Абыйга нуучча тылын уонна литэрэтиирэтин учууталынан үлэлии барар. 1957 с. хос эһээбин кытары Борисов Аполлон Гаврильевичтыын математика учууталын кытары ыал буолаллар. Икки оҕолоноллор 1963 с. мин эбээм Людмила Аполлоновна төрүүр уонна 1965 с. уол оҕолоноллор. Дойдуларыгар Мэҥэ-Хаҥаласка кэлэннэр пенсияҕа тахсыахтарыгар дылы Хорообукка уонна Бүтэйдээххэ учууталлаабыттара. Миигин хос эбээм аатынан Доминика диэн сүрэхтээбиттэрэ.
Доминика Саввина,
Г.Д.Бястинов-Бэс Дьарааһын
аатынан Чымынаайы
орто оскуолатын V кыл үөрэнээччитэ, Таатта
keskil14.ru