П.Н. уонна Н.Е. Самсоновтар ааттарын сүгэр Хатас орто оскуолатыгар тыһыынча кэриҥэ оҕо үөрэнэр. Оскуола 2015 сылтан аграрнай хайысханан үлэтин саҕалаабыта.
Билигин Хатас орто оскуолата өрөспүүбүлүкэҕэ биир бастыҥ агротехнологическай хайысхалаах оскуолалар ахсааннарыгар киирэр. Дириэктэринэн Николай Слепцов ситиһиилээхтик үлэлии олорор.
Ол курдук, оскуола «Үөрэхтээһин» национальнай бырайыак чэрчитинэн үлэлиир «Хас бирдии оҕо ситиһиитэ» федеральнай бырагыраама куонкуруһугар «Уопсай үөрэхтээһин тэрилтэтин баазатыгар научнай-чинчийэр лабораторияны тэрийиигэ» грант кыайыылааҕынан буолбута. Онтон 2019 сыллаахха үүнээйилэри төгүрүк сыл устата олордор, чинчийэр, кэтээн көрөр «Агрокуб» научнай лаборатория үлэтин саҕалаабыта. Сэбиэдиссэйинэн Диана Васильева үлэлиир.
«Агрокуб» лабораторията билигин агротехнология, агробиотехнология, агроэко хайысхаларынан оҕолору кытары ситимнээх үлэни ыытар.
Лабораторияҕа үүнээйи селекциятын чинчийэллэрин таһынан, үөрэнээччилэр араас суортаах үүнээйилэри аныгы технология көмөтүнэн кэтээн көрөллөр.
Биһиги лабораторияҕа сылдьан Хатас орто оскуолатын үөрэнээччилэрин Алина (10-а кылаас) уонна Коля (11-а кылаас) Бурцевтары көрүстүбүт. Биир фамилиялаах оҕолор дии санаабыппыт, отой да бииргэ төрөөбүттэр эбит. Иккиэн научнай-практическай кэнпириэнсийэлэргэ ситиһиилээхтик кытталлар уонна оскуолаларын киэҥ сиргэ ааттатар, киһи хайгыыр, киэн туттар үөрэнээччилэрэ буолаллар.
Сиһилии «Агрокуб» үлэтин-хамнаһын туһунан оҕолор кэпсииллэрин көрүҥ, хайаан да «лайк» баттыыргытын умнумаҥ!
keskil14.ru