Сэтинньи 17 күнүгэр Харбалаахтааҕы үөрэхтээһин холбоһугар Тааттатааҕы ТСРЦН «Эрэл» төрөппүттэри, оҕолору кытта үлэлэһэ кэлэн бардылар.
Сарсыарда 9.15 ч. нэһилиэк администрациятыгар консилиум буолла.
10.45-12.45 ч. Оҕолорго «Брейн-ринг» оонньуу ыыттылар. 8-11 кылаас оҕолоругар 2-с уруок кэннэ сэттэ түһүмэхтээх биктэриинэ оонньуу оонньоттулар, онно кылаастан алталыы оҕо алта хамаанда туруорда.
Бастаабыт хамаанда «Хадаайы» түмэлигэр муус оҥоһуктаах сиргэ буор-босхо сынньанан, мууска сырылаан хаҥкылаан кэлэр путевканы ылар чиэскэ тигистэ. Оонньуубут олус бэһиэлэйдик ааста. Оҕолор бары көхтөөхтүк кытыннылар. Бэрт интэриэһинэй тэрээһин ааста, 1-кы хамаанда бастаата. Кинилэр «Хадаайыга» сынньана барар босхо путевканы тутан олус үөрдүлэр. Бары да наһаа сэргэхсийдибит
12.15-13.15 ч. төрөппүттэри, пед. коллективы кытта көрүстүлэр, сүбэ-ама биэрдилэр . Онно кылаастартан төрөппүттэр кэлэн кытыннылар.
Бэйэ дьыалатын тэриниэн баҕалаахтарга соц. контракт туһунан кэпсээтилэр, ылыммыт дьоҥҥо бүтүөр диэри көмө оҥороллор үһү.
Ити курдук, Харбалаахха сүрдээх туһалаах тэрээһин буолбутуттан оҕолуун-улаханныын бары астынныбыт. Уонна Тааттатааҕы ТСРЦН «Эрэл» үлэһиттэригэр барҕа махталбытын тиэрдэбит!
Наташа Никифорова, 11 кылаас.
Харбалаах.