Өрөспүүбүлүкэҕэ Ааҕыы сыла биллэриллибитинэн, Кеша Алексеев аатынан Хаптаҕай оскуолата «Оҕоҕо сурутууну бэлэхтээ» ааксыйаны саҕалаата. Бу туһунан “Кустук” студия салайааччыта Нина Яковлева биллэрэр.
Оскуола эбии үөрэхтээһин педагогтарын методическай холбоһуга элбэх оҕолоох Неустроевтар дьиэ кэргэннэригэр «Кэскил » хаһыаты сурутан бэлэхтээтэ. Маны тэҥэ, эмиэ бу хаһыакка сурутуу квитанцията Слободчиковтарга туттарылынна.
Бу ааксыйа эстафетатын салгыы оскуола тыл учууталларын методическай холобоһугар туттаран, көхтөөхтүк кытталларыгар ыҥырдыбыт. Нэһилиэк атын тэрилтэлэрэ, общественнай түмсүүлэр биһигини өйөөн, «Оҕоҕо сурутууну бэлэхтээ» ааксыйаҕа кыттыахтара диэн эрэнэбит.