«FINCROSS» үбү-харчыны сөпкө туһанарга уһуйуу оскуолата бэйэтин үөрэҕин салгыыр. Ааптар Анна Николаевна Яковлева биһиги саайпыт нөҥүө оҕолорго, төрөппүттэргэ үп-харчы эйгэтигэр бастакы хардыыны оҥорорго көмөлөһүө, финанса, инвестиция, бүддьүөт туһунан бастакы өйдөбүлү биэриэ.
Fincross – үбү-харчыны сөпкө туттууга практикум
Ситиһиигэ хардыылар (8-12 саастаах оҕолорго аналлаах оонньуу)
Финанса эйгэтигэр билиилээх, үп-харчы өттүнэн көрүүлээх буоларга эйиэхэ анаан көрдөөх оонньууну билиһиннэрэбит. Эн бу оонньууну дьоҥҥун, төрөппүттэргин, доҕотторгун кытта оонньуоххун сөп.
Наада буолар:
“Харахтаах” кубик.
Фишкалар. Манна тимэхтэри, киндер оонньуурдарын туһаныахха сөп.
2-5 тиийэ оонньооччу уочаратынан кубигы быраҕаллар уонна хас «харахтаах” кубик түспүтүнэн көрөн «хаамаллар”. Өскөтүн оонньооччу “көмүс” харчыга үктэннэҕинэ, ол аттыгар баар уруһуйу көрөн иннин диэки эбэтэр кэннин диэки хас да хардыыны көтөр. Уонна харчытын тоҕо, туох биричиинэнэн сүтэрбитин эбэтэр элбэтэн барыстаммытын бэйэтэ хайдах өйдүүрүнэн уруһуй көмөтүнэн быһаарыахтаах. Манна сорох атыы-тутуу эбэтэр туох эрэ хамсаныы — инникигэ харчы мунньунуу, элбээтии ньымата буолуон соп. Бастакынан финишка кэлбит оонньооччу кыайыылааҕынан тахсар.