Комсомол күнүгэр С.А. Зверев кэлэктиибэ сарсыардаттан Сунтаар Бэрэ сиригэр «Кириэстээх» ТХПК ферматыгар тиийэн хотоҥҥо үлэлээтилэр. Көтөрдөрү, ынахтары аһаттылар, улахан-кыра үлэни өрө тутан көмөлөстүлэр.
Хас биирдии ынах аата, тус нүөмэрэ, төһө үүтү биэрэрэ, о.д а. ыйыллыбыт анал суруктары ыйыырга көмөлөстүлэр. Норуот айымньытын киинин үлэһиттэрэ күннэтэ күүстээх үлэҕэ сылдьар дьоҥҥо урукку, билиҥҥи да кэмнээҕи ырыаларынан-тойуктарынан эҕэрдэ кэнсиэр бэлэхтээтилэр, сэргэхситтилэр.
Олохтоохтор үлэлэрин-хамнастарын кэпсээтилэр, астыммыттарын биллэрэн кэнсиэргэ бэйэлэрэ кыттыстылар. Аныгыскы көрсүһүүнү кэтэһэ, салҕыы үлэлии-хамсыы, сайыһа хааллылар.
Сунтаар бастакы нүөмэрдээх оскуолатын медиа-киинэ.