Бэс ыйын 1 күнүгэр самаан сайын бастакы сонунунан «Эргиэн» IV республикатааҕы бизнес-оонньуу кыайыылаахтарын, Чурапчы улууhун сүүмэрдэммит хамаандатын, кейс-бырайыактара күн сирин көрдө.
Оонньуу сүрүн партнера- «Бичик» национальнай кинигэ кыһатын өйөбүлүнэн оҕолор толкуйдаан, оҥорон таhаарбыт «Өйүмэй» диэн ааттаах сахалыы кроссворд хомуурунньуга бэчээттэнэн, таӊыллан атыыга таҕыста.
«Эргиэн» бизнес-оонньуу сүрүн сыалынан оскуола үөрэнээччилэрин толкуйдаабыт бизнес-идиэйэлэрин олоххо киллэрии уонна сайыннарыы буолар. Интернет ситимигэр #ЭРГИЭН анал хештегынан киирэн, оҕолор туох идиэйэны толкуйдаан таhааралларын уонна ханнык хайысханан тэтимнээхтик үлэлииллэрин көрүөххүтүн сөп.
Сахалыы кроссворд бырайыагын оӊоруу олунньу ыйтан саҕаламмыта. Чурапчы улууhун Үөрэх управлениетын анал специалистарын уонна «Бичик» кинигэ кыhатын редакторын көмөтүнэн Чурапчытааҕы гимназия, Бахсы орто оскуолатын уонна Дириӊ орто оскуолатын үөрэнээччилэрэ, уопсайа, 9 оҕо айымньылаахтык үлэлээтэ. Төhө да уустук кэм тыӊаан турдар, оҕолор Интернет ситиминэн үлэ хаамыытын быспакка, тэтимнээхтик үлэлээбиттэрэ киhини үөрдэр.
«Сосновый бор» өрөспүүбүлүкэтээҕи оҕо сынньалаӊ киинигэр уонна «Бичик» национальнай кинигэ кыhатыгар барҕа махталбытын тиэрдэбит!
Вероника Сокольникова, Бахсы орто оскуолатын 10 кылааhын үөрэнээччитэ:
— Мин бу хомуурунньукка «Кейворд» диэн кроссворд биир көрүӊүн оӊорбутум. «Эргиэн» бизнес-оонньууга 3 сыл кыттарым устата элбэҕи-саӊаны биллим уонна үөрэнним. Ол курдук, бизнес-бырайыагы оӊорорго, оскуола оҕото хайдах бизнеһи тэриниэн сөбүн туhунан биллим. Мин санаабар, саӊа ньымалары тобуларга, нууччалыы эттэххэ «креативнай» буоларга үөрэттэ. Бу бастакы бэйэбит толкуйдаан таhаарбыт үлэбит өрөспүүбүлүкэҕэ тарҕанар кыахтаммытыттан олус үөрдүбүт. Предпринимательство — билиӊӊи олох ирдэбилэ буолар. Салайааччыбытыгар Семен Семеновичка, редакторбытыгар Марина Георгиевнаҕа уонна «Бичик» издательствоҕа улахан махтал!
Антон Макаров, Чурапчытааҕы гимназия 10 кылааhын үөрэнээччитэ:
— «Эргиэн» бизнес-оонньууттан үгүс билиини-көрүүнү уонна, саамай сүрүнэ, үөрүйэҕи ылбытым буолар. Күрэххэ кыттан, хамаанданан үлэлииргэ үөрэнним. Ити туһалаах сатабыл диэн саныыбын.
Бэйэбит толкуйдаан таһаарбыт бырайыакпытыгар бородууксуйа ис хоһоонун оҥорорбутугар ыарырҕаппыппыт. Чэпчэкитэ диэн үлэбитин үллэстэн оҥорбуппут. Инники олоххо маннык күрэхтэр киһи инникитин көрөрүгэр, араас дьыаланы ырытарыгар туһалаах буолуо диэн саныыбын.
Ньургун Пермяков, Чурапчытааҕы гимназия 10 кылааhын үөрэнээччитэ:
— Бизнес игра «Эргиэн» поистине уникальна, т.к. победитель конкурса сможет реализовать свой проект. Помимо этого, это новые ощущения, полезный опыт, новые знания и умения. Во время участия в игре участник сможет потренировать свои навыки публичного выступления, также конкурс научит ребенка работать в команде. После участия мне открылись новые возможности. Мне предложили работу по договору в газете «Кэскил», наградили путевкой в ВДЦ «Океан» и, конечно же, наш проект победил в конкурсе и теперь его надо реализовать. В процессе реализации у нас все, по большей мере, шло гладко. На первом собрании команды мы, в первую очередь, распределили свои роли, кто, что будет делать и разработали предложения для рекламы и дизайна продукции. Единственная трудность, с которым нам пришлось столкнуться, это создание самих кроссвордов.
Уверен, что навыки предпринимателя пригодятся не только для бизнеса, если человек не хочет им заниматься, но и для успешной карьеры, так как бизнесмен умеет работать в команде, достигать своих целей и обладает уникальными организаторскими и лидерскими способностями. Эти умения пригодятся в любых отраслях.
Светлана Дмитриева, Чурапчытааҕы гимназия 10 кылааhын үөрэнээччитэ
— Мин «Эргиэн» диэн бизнес хайысхалах күрэххэ кыттаммын элбэххэ үөрэнним. Бу күрэх оҕону предприниматель курдук толкуйдуурга үөрэтэр, сайыннарар.
Бу күрэххэ оҕолор бэйэрэ бизнес бырайыак толкуйдаан көмүскүөхтээх этилэр. Биhиги хамаандабыт бырайыагын тиэмэтэ сахалыы кроссворду оӊоруу этэ. Мин санаабар, бырайыакпытын олоххо киллэрэр ыарахан этэ. Тоҕо диэтэргин, кроссворду оӊорорго сүрдээх элбэх уопут наада. Киhи ылла да оӊорон кэбиспэт. Ол да буоллар, бу кроссворду оӊоро сылдьан, элбэххэ үөрэнним уонна бу кэм мин олохпор үчүгэй, умнуллубат өйдөбүлү хаалларда. Мин санаабар, инникитин предприниматель хаачыстыбата миэхэ улаханнык туhалыа ди саныыбын.
Максим Окоемов, Бахсы орто оскуолатын 10 кылааhын үөрэнээччитэ:
— Бу кинигэҕэ «Дуаль» диэн кроссворд анал көрүӊүн оӊордум. Манна көтөрдөр, кыыллар, улуустар ааттара киирдэ. Оӊоhуута судургу, ол эрээри, саха тылын үчүгэйдик билиэххэ наада эбит. «Эргиэн» бизнес-оонньуу киhиэхэ дьону кытта сатаан кэпсэтэргэ, бэйэҥ санааҕын этэргэ, идиэйэни олоххо киллэрэргэ үөрэттэ. Инники олохпор, дьону тумэргэ, салайарга, сөптөөх идэни таларга көмөлөстө.
Ааптар: Семен Посельскай