Хас биирдии киһи бу орто дойдуга төрөөн сиэрдээх, үтүө, сырдык олоҕу олорор, баҕа санаалаах кэлэр.
Айаҥҥа билсиспит, сытыы-хотуу киирэр-тахсар кэпсэтэр кыра уолчаан аата Аркадий. Күн-күбэй ийэтэ Марианна Александровна алын кылаас учуутала, аҕалаатар аҕата Дмитрий Аркадьевич, эдьиийдээхпин барыларын күүскэ-күүскэ таптыыбын диэн үөртэ. Биллэн турар, ханнык баҕарар төрөппүт оҕото инники кэскилэ ыраас, сырдык санаалаах, чэгиэн-чэбдик туруктаах киһи буола улаатарыгар баҕарар. Аркадий үтүө-көнө, амарах уйаҥ дууһалаҕа харахха быраҕыллар.
Сылын ахсын билиитин хаҥата дьонун кытта араас куораттарынан сылдьар эбит. Суолга мүччүргэннээх мэһэйдэри туоруурга, ыарахаттартан чаҕыйбакка тулуурдаах буоларга убайдара, аҕата үөрэтэллэр эбит. Ытык-мааны кырдьаҕастары кытта наһаа сэмэйдик кэпсэтэр, билбэтэҕин ыйыталаһар.
Учууталын Елизавета Анатольевнаны араас куруһуок ыытарын, уроктара наһаа интириэһинэйдик ааһалларын кэпсээтэ.
Аркадий күн-күбэй ийэтэ солото суох кэмигэр тиэстэ охсон бэрэски бэйэтэ астыыр эбит, саамай минньигэс аһа — кекс.
Төрөөбүт тылынан-өһүнэн сайдыбыт Аркадий дьиҥ бэйэтин төрүт эйгэтигэр уһуйуллан, такыйыллан биир тутаах бастыҥ үөрэнээччи үүнэн тахсыа диэн эрэнэбин.
Анастасия МОРДОВСКАЯ, Тиит-Эбэ, Хаҥалас улууһа.