Ыам ыйын 17 күнүгэр Эҥэ орто оскуолатыгар үчүгэй уонна туйгун үөрэхтээхтэр слеттара буолан ааста. Маннык тэрээһин сыл ахсын ыытыллар, үөрэнээччилэргэ, төрөппүттэргэ, учууталларга бэлиэ күнүнэн буолар. Үөрэх сылын түмүгүнэн оскуолабытыгар 2 — туйгун, 15 — үчүгэй үөрэнээччи баар.
![](https://keskil14.ru/wp-content/uploads/2024/05/f33aa3b0-5d55-4015-b3f8-0482cd8614db-1024x768.jpg)
Нэһилиэк баһылыга Руслан Русланович, оскуола дириэктэрэ Анна Витальевна оҕолору эҕэрдэлээтилэр, грамота туттардылар. Бу маннык үчүгэй тэрээһин ыытыллара оҕолор өссө үрдүк ситиһиилэнэллэригэр олук уурар. Үөрэнээччи ситиһиитэ — учуутал үлэтин түмүгэ буолар. Онон күндү учууталларбытыгар эмиэ эҕэрдэ тыллар этилиннилэр. Өссө да билиигэ-көрүүгэ тардыһыҥ, үрдүккэ талаһыҥ, оскуола эһигинэн киэн туттар диэн алгыс тылынан тэрээһиммит түмүктэннэ.
Нарыйа Бурцева, 10 кылаас, «Саһарҕа» пост эдкора, Эҥэ.