Олунньу тоҕус күнүгэр Үөһээ Бүлүү улууһун алтыс нүөмэрдээх «Солнышко» уһуйаан оскуолаҕа киириэн иннинээҕи саастаах оҕолор ортолоругар толкуйдуур дьоҕурдарын сайыннарар сыаллаах саахымат, дуобат олимпиадатын күрэҕин куйаар ситиминэн ыытта.
Биhиги оскуола-саадтан Олег Захаров кыттан, үһүс бочуоттаах миэстэҕэ тиксэн төрөппүттэр да, иитээччилэр да үөрүүбүт үрдээтэ. Олег отой кыра сааһыттан дуобат оонньууну интэриэһиргээн оонньуур.
Олимпиадаҕа алта-сэттэ саастаах оҕолор кыттыбыт буоллахтарына, биһиги Олегпыт биэс саастаах. Кыттааччылартан сааһынан саамай кыра саастаахтара.
Олег кыайыан наһаа баҕарбыта. Кыайыыга дьулуурдаах киһи хаһан баҕарар сыалын ситиһэр. Олег дуобат курдук өйү сытыылыыр успуорт көрүгэр мэлдьи оонньуу, эрчиллэ сырыттаҕына бастакы миэстэ кэлиэ диэн бүк эрэллээхпит.
Түгэнинэн туһанан алтыс нүөмэрдээх уһуйаан кэллэктиибигэр тиһигин быспакка интэриэһинэй күрэҕи ыыта турарыгар махтанабыт.
Оскуола-саад иитээччитэ Валентина Данилова, Ороһу.