Мэҥэ-Хаҥалас улууһун В.П.Оконешников аатынан Павловскай орто оскуолатын үөрэнээччилэрин уонна төрөппүттэрин дистанционнай үөрэх туһунан санааларын учуутал Маргарита Петровна Шамаева билиһиннэрэр.
Колосова Айыына, 11 кылаас:
— Дистанционнай үөрэххэ бэйэҥ бириэмэҕин сатаан аттаран туттар буолаҕын, онон үчүгэй. Якласс, Решу ЕГЭ, Скайенг, Гуглкласс үөрэнэбит. Сайтка элбэх үөрэнэриттэн сылтаан сайт бытаарар аҕай, ол мэһэйдэри үөскэтэр.
Оконешникова Настя, 11кылаас:
— Бу кэмҥэ наар дьиэҕэ олорорбут эмиэ да үчүгэйдээх. Дистанционнай үөрэххэ өссө күүскэ болҕомтоҕун уураҕын. Биһиги, 11-с кылаастар Якласс, Скайенг, Гуглкласс, zoom нөҥүө үөрэнэбит. Сүрүн эрэ бэридимиэттэри үөрэтэрбит буоллар, быдан туһалаах буолуо этэ.
Ксенофонтова Нарыйа, 6 кылаас:
— Дистанционнай ньыманан үөрэнэргэ наһаа элбэх саайтарга, онно-манна киирэҕин, онно наһаа элбэх бириэмэ барар. Ол өттүнэн сөбүлээбэтим. Биһиги кылаас СГО нөҥүө киирэн сорудахтары толоробут. Якласс киирэн билиибитин бэрэбиэркэлиибит. Zoom эмиэ баар. Маны таһынан, эбии үөрэхтэр эмиэ буолаллар. Дистанционнай күрэхтэр буолаллар, онно төһө кыалларынан кыттабын. «Кэрэли» эбии үөрэхтээһин киинэ ыытар Баһылай Манчаары туһунан биктэриинэҕэ кыттыбытым. Оскуолабын, доҕотторбун аҕынным.
Егорова Ирина Михайловна, элбэх оҕолоох ийэ:
— Үс оҕом оскуолаҕа үөрэнэр. Ыарырҕатыахтара диэн долгуйбутум баара, хата оҕолор олох түргэнник үөрэммиттэрэ. Учууталлар наһаа ноҕоруускалаабаттар. Онон үчүгэй, эрдэ барытын оҥорон босхолоноллор. Маннык үөрэх биирдиилээн (индивидуально) сыһыаннаан үөрэтии курдук буолар эбит. Ким түргэн, барытын тута оҥорон кэбиhэр, ыарырҕатааччы кэлин көмөлөһүннэрэн да оҥоруон сөп. Аан дойду барыта аныгы технологиянан тутта олорор, университекка эмиэ туттуохтара, онно үөрэннэхпит дии. Оҕо бэйэтин бэйэтэ хонтуруоллана үөрэнэр эбит. Учи.ру, СГО, zoom, Ватсап, Якласс, Skyes school, Google Сlass, Sdamgia.ru, Решу впр платформаларга киирэн үөрэнэллэр. Дистанционнай үөрэхтээһиҥҥэ түргэн Интернет хайаан да наада эбит.
Степанова Сардаана Николаевна, төрөппүт:
— Дистанционнай үөрэххэ оҕо бэйэтин салайынар сатабыла сайдар. Бастакы нэдиэлэҕэ маннык үөрэнэр сатабылбыт суох буолан, кэккэ ыарахаттары көрүстүбүт. Үлэлиир буоламмыт, үксүн бириэмэ тиийбэккэ. Кэлин оҕом бэйэтэ бэриллибит сорудахтары оҥоро үөрэннэ. Саҥа тиэмэни учуутал үөрэтэригэр үөрэммит буолан, бытааннык ылынар. Биһиги кылаас Учи.ру, ЯКласс, Гуглкласс нөҥүө үөрэнэбит.
Оконешникова Наталья Николаевна, төрөппүт, учуутал:
— Дистанционнай үөрэх кэмигэр дьиэ кэргэммэр, оҕолорбор элбэх бириэмэни уурарым учугэй. Үөрэтэр оҕолорум сибээскэ тахсан испэттэрэ мэһэйдиир. Биһиги Ватсап, Инстаграм, ютуб, zoom платформаларга үерэнэбит. Үерэнээччилэрим, урукку курдук, араас күрэхтэһиилэр, тэрээһиннэр буолбаттар диэн хомойоллор.
Бэлэмнээтэ Таисия Алексеева