Бүгүн муус устар 27 күнүгэр автономия 100 сылыгар аналлаах Иван Николаевич Жирков аатынан Дүпсүн орто оскуолатыгар тэрээһин буолла. Бастатан туран Саха Автономнай Советскай социалистическай республика төрүттэммитэ 100 сылыгар анаан 5-11 кылаастарга библиотечнай уруок ыыппыттара.
Онно автономия, Саха республикатын төрүттэниитин туьунан кэпсээбиттэрэ уонна кыра викторина курдук оҥорон боппуруос ыйыппыттара. Биьиги оҕолор көхтөөх кыттыыны ылан харса суох эппиэттээн испиппит. Бу тэрээһиҥҥэ оскуола оҕолоро ону таьынан учууталлар уонна улэьиттэр сахалыы таҥастаах кэлэн линейкаҕа турдулар. Линейкаҕа Саха сиригэр автономия тэриллиитин туһунан кэпсээбиттэрэ. Гимн тыаьыырыгар бары хамсаабакка, көнөтүк туран истибиппит.
Ону таһынан 11 кылаас үөрэнээччилэрэ саха үнкүүтүн туруоран үнкүүлээбиттэрэ. Хас биирдии оҕо, учуутал Саха сирин былааҕын оҥорон кэлбиппиттэрэ. Төрөөбүт Дүпсүммүт ытык сириттэн үөскээн тахсыбыт дьоннор мэтириэттэрин линейка иннигэр көрдөрбүппүт. Ол курдук, биллиилээх государсвеннай деятель В.В. Никифоров, бастакы наркомнартан биирдэстэрэ И.Н.Жирков, Россия геройа М.М.Стрекаловскай, Ил Түмэн спикерынан үлэлээбит П.В. Гоголев, наука доктордара В.Ф. Алданскай, З.В.Гоголев ааттарын биһиги киэн тутта ааттаатыбыт.
Ол кэнниттэн Ангелина Файрушина «Сахам Сирэ» диэн ырыатын күргүөмунэн улаханныын, кыралыын ыллаабыппыт. Бүтэһигэр оскуолабыт иннигэр тахсан былаахтарбытын тутан хаартыскаҕа туспуппут. Олус интэриэьинэй күн ааспытыттан наһаа да үөрдум… Сахам сирэ, Дүпсүнүм сирэ сайда туруон күүскэ баҕарабын.
Милена Акимова, Дүпсүн орто оскуолатын 9 кылааһын үөрэнээччитэ