Аан дойдутааҕы оскуола бибилэтиэкэлэрин күнүн көрсө алтынньы ыйга Сунтаар улууһун Бордоҥ орто оскуолатыгар араас тэрээһиннэр ыытылынныллар.
Быйылгы тэрээһиннэр «Добру откроем сердце. Обнимем ребенка с книгой» диэн ааттаах дойдубут оскуолаларын библиотекаларыгар аастылар. Тэрээһин сүрүн соругунан ааҕыыга оҕо интэриэһин күүһүрдүү буолар.
Ол курдук оскуолабытыгар С.А.Есенин төрөөбүтэ 125 сылыгар аналлаах кылаас чаастара ыытылыннылар, кинигэ выставката көрдөрүүгэ турда, #читаемЕсенина улуустааҕы акцияҕа кыттыһан 5-10 кылаас оҕолоро Матросова Галя, Черепанов Тимур, Еремеев Данил, Саввинова Валерия, Алексеев Михаил Сергей Есенин хоһооннорун ааҕан видеоролик оҥордулар.
Ону тэҥэ педагог-библиотекарь Никитина А.М. Аан дойдутааҕы оскуола бибилэтиэкэлэрин ыйыгар аналлаах улуус, республика, бүтүн Россиятааҕы онлайн-семинардарга кыттыыны ылла.
Петрова Кристина, 9 кылаас, Семен Данилов Төрөөбүт тыл хоһоонунан «Я люблю свой родной язык» I Национальнай уус-уран ааҕыы күрэҕэр 1 миэстэни, региональнай «Моя Республика» кэтэхтэн күрэххэ Яковлев Сергей, 9 кылаас, Егорова Екатерина, 10 кылаас, 2 степеннээх дипломант буолары ситистилэр. Өрөспүүбүлүкэтээҕи Софрон Данилов айымньыларын уус-уран ааҕыы кэтэхтэн күрэҕэр Черепанов Тимур, 6 кылаас , «Абылаҥнаах ааҕааччы» кыайыылаах, Никитина А.М. 2 Үрдэл лауреат буоллулар. Еремеев Данил, 7 кылаас, Билалов Платон, 8 кылаас, Петрова Кристина, 9 кылаас, Павлова С.Н. көхтөөхтүк кыттан туоһу сурук туттулар.
Оҕолор үөрэнэр кинигэҕэ харыстабыллаахтык сыһыаннаһалларын ситиһэргэ «Кэскил» оҕо холбоһугун активистара «Каждому учебнику — по обложке» рейдэни ыытта. «Подари книгу библиотеке» акцияҕа үөрэнээччилэр көхтөөхтүк кытыннылар.. 1-11 кылаастар «Моя любимая книга» флешбук уонна «Мы любим читать» фотокросс интэриэһинэй видеороликтары оҥордулар. «Живая классика» улуустааҕы тэҥҥэ ааҕыы марафоҥҥа 96 үөрэнээччи,10 учуутал кытынна, туоһу сурук тутта.
Ааптар: Анна Никитина, педагог-библиотекарь