Горнай улууһун Бэрдьигэстээх гимназиятыгар «Дети Мира» оҕо хамсааһынын лидердэрэ ZOOM-видеоситиминэн кылаас чаастарын ыыттылар.
Тэрээһин хайдах ааспытын туһунан гимназия үөрэнээччитэ, лидер Егор Аввакумов кэпсиир:
— «Дети Мира» оҕо хамсаһынын активистара гимназия бары кылаастарыгар Норуоттар сомоҕоһууларын күнүгэр аналлаах онлайн ZOOM сыһыарыы нөҥүө кылаас чаастарын ыыттылар.
«Дети Мира» оҕолоро бары бииргэ түмсэн, ким ханнык кылааска кэпсиирин уллэстэн, презентацияларын бэлэмнээн, үлэлэрин саҕалаабыттара. Активистар оҕолорго хантан, хаһан уонна хайдах бу бырааһынньык үөскээбитин туһунан сырдаттылар.
Уопсайынан, бу тэрээһини гимназия үөрэнээчиллэрэ бары интэриэһиргээн, дуоһуйан истибиттэрэ. Бүтэһигэр истэн баран, интэриэһэргиир ыйытыыларын биэрбиттэрэ, активистар онно үөрэ-көтө эппиэттээбиттэрэ.