Буруонан тыынар доруобуйаҕа буортулааҕын бары билэбит. Биһиги дьиэҕэ олорон буруо сытыттан тумнаста сыһар буоллахпытына, баһаарга сылдьар дьон хайдах тыына сылдьаллара саныырга олус ыарахан…
Билигин үтүө санаалаах дьон баһаарга сылдьар эр дьоҥҥо көннөрү медицинскэй маасканы ыыппакка, тыынар респиратордаах анал мааскалары төһө кыалларынан ыыта сатыыллар. Харах хааппылата, битэмиин, тыҥа киртийбэтин туһугар иһэр үүт, ыраас уу, илиигэ кэтэр анал бэрчээккэлэр, ачыкылар уо.д.а — бу барыта билигин олус наадалаахтар уонна көмөлөөхтөр.
Эрдэ эппиппит курдук, билигин СӨ волонтердары кытары үлэлиир киин штаба Орджоникидзе уул. 10 №-дээх дьиэтигэр 2 этээһигэр актовай саалаҕа тэриллэн үлэлии олороллор. Ким көмөлөһүөн баҕалаах бу аадырыска уонна тел. 8914-824-75-06, 84112-50-88-92 билсэргитигэр көрдөһөбүт.
Киин итиэннэ #МыВместе кулууп 18 саастарыттан үөһээ саастаах дьону ойуур баһаардарыгар үлэлииргэ ыҥырар.